Rusiyanın xarici işlər naziri Sergey Lavrov noyabrın 19-da Moskvada ATƏT-in hazırkı sədri, İsveçin xarici işlər naziri Ann Linde ilə təşkilatın Qarabağda vəziyyətin tənzimlənməsinə yardımını müzakirə edəcək.
Xeberle.com xəbər verir ki, bu barədə Rusiya XİN məlumat yayıb.
Görüş zamanı, həmçinin ATƏT-in Qafqazda təhlükəsizlik və sabitlik üzrə Cenevrə müzakirələrində vasitəçiliyi ilə bağlı məsələlərə toxunulması da nəzərdə tutulub.
Bundan başqa, tərəflər ATƏT-in üzv dövlətlər üçün ümumi problem olan transmilli təhdidlər, terrorçuluq, qanunsuz narkotik dövriyyəsi, transsərhəd mütəşəkkil cinayətkarlıq, kibercinayətlər, insan alveri ilə mübarizədə rolunun artırılması məsələsini müzakirə edəcəklər.
Xəbərdən istifadə edərkən istinad etmək vacibdir.
