"Rusiyanın xarici işlər naziri Sergey Lavrovla ukraynalı həmkarı Dmitro Kulebanın görüşünə hazırlıq görülür”.
Xeberle.com xəbər verir ki, bunu Türkiyənin xarici işlər naziri Mövlud Çavuşoğlu "Ahaber”ə müsahibəsində deyib.
Nazir Rusiya və Ukrayna nümayəndə heyətlərinin İstanbuldakı görüşünə diqqət çəkərək növbəti görüşün Sergey Lavorv və Dmitro Kuleaba arasında keçiriləcəyini gözlədiklərini bildirib. Onun sözlərinə görə, bundan sonra Ukrayna prezidenti Volodomir Zelenski və Rusiya prezidenti Vladimir Putin arasında görüşün keçiriləcəyi ehtimal olunur.
Nazir görüşlərin dəqiq tarixinin müəyyənləşmədiyini deyib, lakin bunun bir-iki həftə ərzində baş tuta biləcəyini istisna etməyib.
O, tərəflərin bir-birinin ittiham etməsini vurğulayaraq hər iki tərəfdə döyüşən muzdluların olduğunu açıqlayıb.
Çavuşoğlu Vladimir Putinin Türkiyəyə səfərini gözlədiklərini, bunun tarixini rəsmi Moskvanın təyin edəcəyini söyləyib.
Xəbərdən istifadə edərkən istinad etmək vacibdir.
