Şimali Atlantika Alyansı (NATO) Brüsseldə sərhədin delimitasiyası və demarkasiyası üzrə Ermənistan və Azərbaycan komissiyalarının iclasının keçirilməsini alqışlayır.
Xeberle.com xəbər verir ki, NATO-nun Cənubi Qafqaz üzrə xüsusi nümayəndəsi Xavyer Kolomina özünün Tviter hesabında noyabrın 3-də baş tutan görüşü şərh edərək, bunu "yaxşı xəbər” adlandırıb.
"Yaxşı xəbər ondan ibarətdir ki, tərəfdaşlarımız yerlərdə təhlükəsizliyin təmin edilməsi üçün zəruri olan sərhədlərin delimitasiyası məsələsini müzakirə edirlər. NATO Ermənistanla Azərbaycan arasında münasibətlərin normallaşdırılmasını dəstəkləyir və Avropa İttifaqının bu istiqamətdə səylərini, o cümlədən danışıqların təşkilini və monitorinq missiyasının işə salınmasını alqışlayır”, - Kolomina bildirib.
Xatırladaq ki, Ermənistan və Azərbaycan baş nazirlərinin müavinləri Mher Qriqoryan və Şahin Mustafayev dövlət sərhədinin delimitasiyası və sərhəd təhlükəsizliyi komissiyasının üçüncü iclasında sərhədlərin mühafizəsi üzrə prosedurun razılaşdırılması üzrə işi sürətləndirmək barədə razılığa gəliblər.
Xəbərdən istifadə edərkən istinad etmək vacibdir.
