Sumqayıtda piyada zolağının silinməsi problem yaradıb.
Xeberle.com xəbər verir ki, bu barədə den.az-a sakinlər bildiriblər.
General Məhəmməd Əsədov adına olan küçədə piyada keçidi uzun müddətdir silinib. Bu səbəbdən piyadalar həmin küçədə istədikləri yerdən keçmək məcburiyyətində qalırlar. Piyada keçidinin olmaması sakinlər yolun bir tərəfindən digər tərəfinə keçən zaman həyati təhlükə yaradır. Bu da bəzi hallarda yol nəqliyyat hadisələrinə gətirib çıxarır. Sürücülər isə iddia edirlər ki, piyada zolaqları üçün çəkilən xəttlər qısa vaxt ərzində silinir. Çünki həmin zolağa çəklən maye keyfiyyətsizdir. Yağış yağan kimi yuyulur.
Mövcud məsələ ilə bağlı DİN-nin Sumqayıt şəhər "Siqnal" İxtisaslaşdırılmış Layihə-İstehsalat İdarəsindən bildirilib ki, son bir ay ərzində bütün şəhərin nizamlanan və nizamlanmayan piyada keçidləri rənglənəcək. General Məhəmməd Əsədov adına olan küçə digərləri kimi tədbirlər planına salınıb. Qısa vaxt ərzində vətəndaşları narahat edən problem aradan qaldırılacaq.
Xəbərdən istifadə edərkən istinad etmək vacibdir.
