Sumqayıt Bələdiyyəsində Azərbaycan mətbuatının yaranmasının 141 illiyi və Sumqayıt Bələdiyyəsinin jurnalistlər üçün elan etdiyi "Sumqayıt şəhərinin sosial-iqtisadi inkişafı: real vəziyyət və perspektivlər” mövzusunda fərdi yazı müsabiqəsinin qaliblərinin mükafatlandırılması ilə bağlı tədbir keçirilib.
Sumqayıt Bələdiyyəsinin Mətbuat Xidmətindən Xeberle.com-a verilən  məlumata görə, öncə Sumqayıt Bələdiyyəsinin sədri Sultan Əsədov mətbuat işçilərini peşə bayramı münasibəti ilə təbrik edib, onlara çətin və şərəfli işlərində uğurlar arzu edib. Sədr ölkəmizdə demokratik dəyərlərin möhkəmlənməsi, söz və mətbuat azadlığının təmin olunması istiqamətində prezident İlham Əliyevin rəhbərliyi altında mühüm işlər görüldüyünü, ardıcıl islahatların aparıldığını diqqətə çatdırıb.
Sumqayıtın sosial-iqtisadi inkişafı barədə danışan S.Əsədov şəhərin son 10 ay ərzində yeni inkişaf mərhələsinə daxil olduğunu, şəhər icra hakimiyyətinin rəhbəri Zakir Fərəcovun başçılığı ilə şəhərdə olduqca mühüm layihələrə başlanıldığını, əsaslı yenidənqurma və abadlıq işlərinin görüldüyünü diqqətə çatdırıb. Həyata keçirilən işlər barədə ətraflı məlumat verən Bələdiyyə sədri bu işləri ardıcıl olaraq işıqlandırdığına görə jurnalistlərə təşəkkürünü bildirib.
Daha sonra müsabiqə qaliblərinin mükafatlandırılması olub.
 
 
 

Xəbərdən istifadə edərkən istinad etmək vacibdir.