Bir müddət əvvəl 35 yaşlı qadının ölümü ilə gündəmə gələn Sumqayıt Şəhər Təcili Tibbi Yardım Xəstəxanasının həkimi Cəfər Quliyev dünyasını dəyişməsi ilə bağlı məlumat yayılıb.
Bu barədə həmkarı Vasif İsmayılov sosial şəbəkədə yazıb. O bildirib ki, həkim Cəfər Quliyevin bu gün 7 mərasimidir.
Xeberle.com ölüm xəbəri yayılan Cəfər Quliyevin mobil nömrəsiylə əlaqə saxlayıb. Telefon zənginə həkimin özü cavab verib. C. Quliyev bildirib ki, bəzi insanlar həqiqətəuyğun olmayan məlumatlar yayır və insanlarda narahatçılıq yaradır: "Bu xəbəri hansı məqsədlə yayıblar bilmirəm. İndiyə kimi kifayət qədər məni günahım olmayan məsələlərdə ittiham edirlər. İndi də öldüyümü deyirlər. Ağızlarına gələnləri yazırlar. O adamlara demək istəyirəm ki, mən sağam.Allahın izniylə hələ yaşacağam."
Qeyd edək ki, bəzi media orqanlarında C. Quliyevin ölüm xəbəri yayılmışdı.
Xəbərdən istifadə edərkən istinad etmək vacibdir.
