Sumqayıt gənc şəhərdir, lakin buranın maraqlı tarixi var. Bildiyimiz kimi, indiki Sumqayıtın ərazisi vaxtilə Corat sakinlərinin ixtiyarında olub. Yeni bir çox qəsəbə sakinləri Sumqayıtın hazırkı mikrorayon və məhəllələrinin ərazisindən ya örüş, ya əkin, ya da digər məqsədlər üçün istifadə ediblər. Maraqlı olacağını nəzərə alaraq, Sumqayıt şəhərində vaxtilə Corata aid olan ərazilərin əsl, tarixi adlarını təqdim edirik.

 

 

17-18-ci mkr. ərazisi – Umacıq

12 mkr.-42 məh. – Abdul yeri

6 mkr.-13mkr. – Möməli yeri

9 mkr. Adı – Dağmaçı yeri

11 mkr. – Qara bəyin yeri

Sumqayıt qəbiristanlığı – Araba duzdaşıyan yer

Ceyranbatan meşəsi – Goor dəyirmanının yeri

Sarayın ətrafı – Kələ dərə

Saray kəndinə tərəf gedən yol Grım pirinin yeri

Superfosfat zavodunun ətrafı – Zöhrab cəmi

Asqarlar zavodunun yanı – "Ximkombinat"ın yerində – Təkə qumu

(Gumsal bir torpaq olub, 2 iri buynuz şəklində olduğu üçün Təkə qumu adlanıb)

Nasoslu qəsəbəsinin ərazisi – Qızıl qum

Nasoslu qəsəbədəki Aerportun yeri Hacağaminin örüş yeri

Nasoslu qəsəbəsi ilə Yaşmanın arası Hacı Xalıqın yeri

Qara təpə - Hacı Hüseynin yeri

Şurabadın alt tərəfi – Keçi yatağı

Dəmir yolunun dəniz tərəfi olan hissəsi Qızıl çəm

Güzdəy vağzalına qədər

Təzə və Köhnə katecin ərazisi – Hacı Dərəsi

Dəmiryolunun yerləşdiyi ərazi – Abasəli cəmi

Dovşan yabağı – 17 mkr-nun, 53-cü məh. yeri, bağlara birləşən sahə

Təsdim (əslində Təslim deməkdir. Belə bir fakt var ki, monqollar Corat ərazisinə Teymurun vaxtında hücum etmiş və döyüş-döyüşə geri çəkilmişlər. 17-ci mkr.-kı dayanacağın başlanğıc yerində məğlub olmuşlar, ona görə də ora Təslim adlanır.)

Şor yer – körpünün sol tərəfi, şoranlıq sahə.

 

Xeberle.com