Sumqayıt şəhər Polis İdarəsinin Dövlət Yol Polisi şöbəsinin əməkdaşları növbəti reyd keçirib. Yoxlamalar zamanı yol hərəkəti qaydalarını pozan minik və ictimai nəqliyyat vasitələrinin sürücüləri, eləcə də piyada keçidində keçməyən piyadalar inzibati məsuliyyətə cəlb olunublar. Reyd zamanı avtobus sürücüləri də cərimə olunub. Onlar dayanacaqdan kənar sərnişin düşürüb-mindirməyə görə saxlanılıblar. Dövlət Yol Polisi vətəndaşlara müraciət edərək yol hərəkəti qaydalarına riayət etməyə çağırıb. Bu kimi reydlərin davam etdiriləcəyi bildirilib.