Çay- min bir dərdin dərmanı, susuzluğun düşməni, xalqımızın ən çox sevdiyi içkilərdən biridir. Qışda soyuğa qarşı istifadə etdiyimiz, səhər yuxudan duran kimi mətbəxə gedib dəmlədiyimiz, evə qonaq gələndə süfrəmizdən əskik olmayan, yemək yedikdən dərhal sonra "qəşəng bir çay olsaydı, içərdik” dediyimiz bu sevimli içki yorğunluğa və susuzluğa qarşı da ən effektli vasitədir. Xüsusilə son vaxtlar istilərin düşməsi ilə əlaqədar parklara, dəniz kənarına axın edən insanlar ilk olaraq çaya müraciət edirlər. Biz də Xeberle.com olaraq Sumqayıtın ən məşhur parkı olan "Göyərçin Park”da və yenicə salınmış "Dənizkənarı Bulvar”da yerləşən restoran və kafelərdəki çayın qiymətini sizlərə təqdim edirik: "Turan Restoranlar Şəbəkəsi”ndə çay limon və qənd ilə 5 AZN, şokalad ilə 8 AZN, mürəbbə ilə 8 AZN-dir. "Kiparis” Restoranında çay qənd ilə 2 AZN, şokaladla 5 AZN, mürəbbə ilə də 5 AZN-dir. "Panorama Restoran”ında çay qənd ilə 2 AZN, piletka şokaladla 4 AZN, snikerslə 3 AZN, mürəbbə ilə 5 AZN-dir. "Park Restoran”da çay şokaladla 6 AZN, mürəbbə ilə 6 AZN-ə satılır. "Şah Restoran”ında çay qənd ilə 4 AZN, mürəbbə ilə 5 AZN-dir. "Palma Restoran”da çay yalnız mürəbbə ilə satılır. Qiyməti 5 AZN-dir. "Sərin Restoran”ında çay yalnız dəstgah ilə satılır: paxlava, ləpə, şokolad və mürəbbə ilə birlikdə 20 AZN (?!). "Dənizkənarı Bulvar Kafesi”ndə isə çay yalnız mürəbbə və ya şokaladla satılır. Qiymət: şokaladla 4 AZN, mürəbbə ilə 5 AZN. Bizlik bu qədər. Çayınız soyumasın. Nuş olsun.