Azərikimya” İstehsalat Birliyi Həmkarlar ittifaqı Komitəsinin II hesabat-seçki konfransı keçirilmişdir. Gündəlikdə dayanan 5 məsələ - Birlik Həmkarlar ittifaqı Komitəsinin və Təftiş komissiyasının hesabatlarının dinlənilməsi, İdarə heyətinin, təftiş komissiyasının üzvlərinin və Azərbaycan Neft və Qaz Sənayesi İşçiləri Həmkarlar İttifaqı Respublika Komitəsinin V qurultayına nümayəndələrin seçilməsi məsələləri öz təsdiqini tapdıqdan sonra, "Azərikimya” İstehsalat Birliyi Həmkarlar ittifaqı Komitəsinin sədri Vaqif Ömərov 2012-2017-ci illəri əhatə edən hesabat məruzəsi ilə çıxış etmişdir.

 Hesabat məruzəsində ötən dövr ərzində komitənin fəaliyyəti, işçilərin əmək və məişət şəraitinin yaxşılaşdırılması, sosial-iqtisadi hüquqlarının qorunması istiqamətində həyata keçirilən tədbirlər və görülən işlər haqqında ətraflı məlumat verilmişdir. Sonra Birlik HİK Təftiş komissiyasının sədri Taliyə Nəbiyevanın hesabat məruzəsi dinlənilmişdir. Hesabat məruzələri ətrafında Etilen-Polietilen zavodu Həmkarlar İttifaqı Komitəsinin sədr müavini Nizami Çələbizadə, Təmir-tikinti İdarəsinin Həmkarlar İttifaqı Komitəsinin sədri Sabir Hüseynov çıxış edərək, çalışdıqları müəssisələrdə işçilərə olunan yardım və dəstəkdən, asudə vaxtlarının, yay istirahətlərinin səmərəli təşkilindən, işçilərə yaradılan sağlam iş və normal məişət şəraitindən danışmış, həmçinin kimyaçıların qayğılarından və mövcud problemlərdən söhbət açmışlar. Konfransın işində iştirak edən Azərikimya” İstehsalat Birliyi Müşahidə Şurasının sədri, Milli Məclisin deputatı Muxtar Babayev və Azərbaycan Neft və Qaz Sənayesi İşçiləri Həmkarlar İttifaqı Respublika Komitəsinin sədri Cahangir Əliyev çıxış edərək konfrans iştirakçılarını təbrik etdilər, yeni seçiləcək Komitəyə uğurlar arzuladılar.

Sonra Azərikimya” İstehsalat Birliyi Həmkarlar ittifaqı Komitəsinin fəaliyyəti qənaətbəxş hesab olundu və Təftiş komissiyasının hesabatı təsdiqləndi. Hər iki məsələ ilə bağlı qərar layihəsi qəbul olundu. Digər üç məsələnin müzakirəsinə əsasən "Azərikimya” İstehsalat Birliyi Həmkarlar ittifaqı Komitəsinin nümayəndə heyəti, Təftiş Komissiyası və Azərbaycan Neft və Qaz Sənayesi İşçiləri Həmkarlar İttifaqı Respublika Komitəsinin V qurultayına nümayəndələr seçildi. Vaqif Xıdır oğlu Ömərov yenidən Azərikimya” İstehsalat Birliyi Həmkarlar ittifaqı Komitəsinin sədri seçildi.