Ötən gecə Mingəçevir İstilik Elektrik Stansiyasında (İES) baş verən qəzanın yanğınla nəticələnməsi ölkə ərazisində enerji ilə yanaşı, suyun verilməsi ilə bağlı da problemlərin yaranmasına səbəb olub.
Şəhər sakinlərinin Xeberle.com-a bildirdiyinə görə, şəhərin əksər ərazilərində içməli suyun verilməsində problemlər yaşanır.
Məsələ ilə bağlı Sumqayıt şəhər Su Kanal İdarəsinin rəis müavini Qurban Mikayılov ilə əlaqə saxladıq. Q. Mikayılov hazırda şəhər ərazisinin 60-70 faizinin su ilə təmin olunduğunu bildirdi:
"Birdən-birə bütün ərazini su ilə təmin etmək olmur. Buna su təmizləyici qurğuların gücü çatmaz. Amma hazırda şəhərin 60-70 faizində suyun verilməsi ilə bağlı heç bir problem yoxdur. Böyük ehtimal günün sonuna qədər şəhər ərazisinin 100 faizi su ilə təmin olunacaq”.
Elnarə Salamova
Xeberle.com
Xəbərdən istifadə edərkən istinad etmək vacibdir.
