Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Sumqayıt şəhərində mənzildə bağlı qapı arxasında 2 nəfər köməksiz vəziyyətdə qalmışdır. 

Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunmuşlar. Hadisə yerində əməliyyat şəraiti qiymətləndirilərkən məlum olmuşdur ki, həmin şəxslər mənzilin qapısını içəri tərəfdən qəsdən bağlayaraq polis əməkdaşlarının mənzilə daxil olmalarına maneçilik törətmişdir. Xilasedicilər beşmərtəbəli yaşayış binasının 5-ci mərtəbəsində yerləşən mənzilin qapısını təhlükəsizlik qaydalarına riayət etməklə xüsusi alət və avadanlıqlar vasitəsilə bayır tərəfdən açaraq hüquq-mühafizə orqanlarının əməkdaşlarının mənzilə daxil olmalarına köməklik göstərmişlər. 

Əməliyyat saat 18:21-də başa çatmışdır.