Xəbər verdiyimiz kimi, Sumqayıtda eyni ərazidə avtomobil yolu yenidən çöküb.
Belə ki, şəhərin 20-ci və 21-ci məhəlləsini birləşdirən yolda baş verən çökmədan sonra təhlükəsizlik məqsədilə nəqliyyatın hərəkəti dayandırılıb.
Əraziyə Sumqayıt şəhər İcra Hakimiyyətinin və "Azərsu" ASC-nin rəsmiləri baxış keçirib. Bildirilir ki, yolun çökməsinə səbəb kanalizasiya borularında yaranan problem olub. İstismar müddətini başa vurmuş xətlər çürüdüyündən su torpaq qatını yuyub. Nəticədə belə xoşagəlməz hadisə baş verib.
İdarə rəisi bildirib ki, hadisənin təkrarlanmaması, xəttin yenidən bərpası məqsədi ilə layihə hazırlanacaq. Mövcud problemlə bağlı əhalinin su təchizatında problem olmayıb.
Xatırladaq ki, daha əvvəl də həmin ərazidə asfalt örtüyü çökmüşdü.
Xəbərdən istifadə edərkən istinad etmək vacibdir.
