Sumqayıtda 22 nömrəli marşrut xəttinin fəaliyyəti dayandırılıb. Marşrut xəttinin bağlanmasına səbəb avtobusların hərəkət trayektoriyasında olan yolların dar və fərdi yaşayış evlərinin sıx yerləşməsidir.
Bu sözləri Xeberle.com-a açıqlamasında Sumqayıt Avtomobil Nəqliyyatı ilə Sərnişindaşıma İdarəsinin rəisi Tofiq Saydumov deyib. İdarə rəisi bildirib ki, marşrutun keçdiyi yollar bərbad vəziyyətdə olduğundan həmin xəttə yeni avtobusların buraxılması mümkün deyil : "Bu səbəbdən də marşrut xəttinin fəaliyyəti dayandırıldı. Lakin ərazidə yaşayan sakinlər çox az məsafə qət edərək dayanacaqlara gəlib, şəhərin istənilən istiqamətində işləyən marşrut xəttlərindən rahatlıqla istifadə edə bilərlər".
Xəbərdən istifadə edərkən istinad etmək vacibdir.
