Sumqayıtda
Novruz bayramı ilə bağlı şəhərin mikrorayon və məhəllələrində şənliklər
keçirilib, yeni nümunəvi məhəllələrin açılışı olub.
Sumqayıt şəhər
Mənzil Kommunal Təsərrüfatı İstehsalat Birliyinin sözçüsü Xaqani Həşimovun Xeberle.com-a verdiyi məlumata görə Novruz
bayramı münasibətilə ümumşəhər tədbirindən əlavə yenidən qurulmuş nümunəvi məhəllələrdə
hər gün 2 həyət olmaqla 5 gün mədəniyyət kollektivlərinin, şəhərimizin tanınmış
ziyalılarının və məhəllə ağsaqqallarının iştirakı ilə bayram tədbirləri keçirilib:
"Şəhər İcra Hakimiyyətinin Başçısı Zakir Fərəcovun tapşırığına əsasən Mənzil
Kommunal Təsərrüfatı İstehsalat Birliyi tərəfindən 10 yaşayış massivində - 5,
8, 9, 10, 11, 13-cü mikrorayonlar və 41A, 30, 34 və 36-cı məhəllələrdə yenidən
qurulan 10 həyət sakinlərin istifadəsinə verilib".
Onun sözlərinə
görə, nümunəvi həyətlərdə asfalt örtüyü yenilənib, uşaqlar üçün əyləncə-idman
meydançaları qurulub, sakinlərin istirahəti üçün oturacaqlar quraşdırılıb, ağac
və gül kolları əkilib, binaların fasadları rənglənib: "Hazırda yenidən
qurulacaq növbəti həyətlərin yerləri və görüləcək işlər planlaşdırılır.
İcra
başçısının tapşırığına əsasən bu ilin sonunacan binaların dam örtüklərinin və həyətlərin
asfalt örtüyünün yenilənməsi işləri tamamlanacaq.
Görülən
bütün işlər Mənzil Kommunal Təsərrüfatı İstehsalat Birliyinin rəhbərliyinin
ciddi nəzarətində saxlanılır".
Xəbərdən istifadə edərkən istinad etmək vacibdir.
