Xeberle.com xəbər verir ki, bu barədə qəsəbə sakinləri nocomment.az-a ünvanladıqları şikayətdə bildiriblər. Sakinlər parkda köhnə və yeni əkilmiş ağacların naməlum şəraitdə kütləvi kəsildiyini iddia ediblər.

Məsələ ilə bağlı Xeberle.com-un əməkdaşı Sumqayıt şəhər İcra Hakimiyyəti Başçısının Hacı Zeynalabdin qəsəbəsi üzrə icra nümayəndəliyi ilə əlaqə saxlayıb. İcra nümayəndəliyindən saytımıza bildiriblər ki, qəsəbə ərazisində ağacların kütləvi kəsilməsi faktı qeydə alınmayıb. Lakin fərqli ünvanlarda 2 ağacın kəsilməsi müşahidə olunub: "Qəsəbə ərazisində müxtəlif ərazilərdə 2 ağac kəsilib. Faktla bağlı yerli polis şöbəsinə məlumat verilib. Hadisəni törədənlər barəsində araşdırma aparılır. Kütləvi şəkildə ağacların kəsildiyi iddia olunan ərazidə isə həmin ağaclar bir neçə il bundan öncə kəsilib və bu hadisəni törədən şəxslər barəsində müvafiq qurumlar tərəfindən ölçü götürülüb”

Xədicə Səxavətqızı

Xeberle.com