"Birliyin struktur bölmələrində çalışan hər bir işçi fərdi mühafizə vasitələri ilə tam təmin olunub, həyata keçirilən tədbirlər nəticəsində il ərzində 1550 nəfərə yaxın işçinin, o cümlədən 787 nəfərə yaxın qadının əmək şəraiti yaxşılaş­dırılıb.”

Xeberle.com xəbər verir ki, bu fikirlər  "Azərikimya” İB-nin 2014-cü ildə işçilərin əməyinin mühafizəsi sahəsində görülmüş işlərin illik hesabatının müzakirəsinə həsr olunmuş tədbirdə səslənib.Azərikimya” İB-nin İçraçı direktorunun Əməyin mühafizəsi və ətraf mühitin qotunması üzrə müavini Vüqar Kərimov kimyaçilarin əməyinin qorunmasını "Azər­baycan Neft Sənayesində Əməyin Mühafizə­sinin Vahid İdarə­etmə Sistemi”nin tələblərinə uyğun şəkildə təşkil edən bilikdə 2014-cü ildə də işçilərinin təhlükəsizliyinin qorunması, əmək şəraitinin yaxşılaş­dırıl­ması istiqamətində mühüm addımlar atıldığını, ağır və zərərli sahələrdə yeni texnologiyanın tətbiqinə geniş yer verildiyini qeyd edib.Bildirilib ki, ötən ildə Birlik müəssisələrində mühəndis-texniki işçi­lər və fəhlələr arasında maariflən­dirmə işinin aparılmasına da geniş yer verilib, təhlükəsiz­lik texnikası qaydalarının yerinə yetirilməsini əks etdirən video filmlər nümayiş olunub, xüsusi təqdi­matlar hazırlanaraq kimyaçıların nəzərinə çatdırılıb. Eyni zamanda 600 nəfərə yaxın işçinin bu sahə üzrə biliyi xüsusi komissiya tərəfindən yoxlanılıb. Daxili nizam-intizam qaydalarına uyğun olaraq Birlik müəssisələrində il ərzində əməyin müha­fi­zəsi, təhlükəsizlik texnikası qayda və normalarını pozan mühəndis-texniki işçilərə və fəh­lələrə xəbərdarlıq talonları təqdim edilməklə, intizam tənbehi tədbirləri görülüb, işi və nizam-intizamı ilə digərlərinə nümunə olan işçilər isə fəxri fərman və pul mükafatı ilə mükafatlandırılıb.Tədbirdə ARDNŞ-nin Təlim, Tədris və Sertifikatlaşdırma İdarəsinin Sumqayıt Təlim-tədris Mərkəzi tərəfindən "Odlu işlərin aparılması zamanı təhlükəsizlik qaydaları və fövqə­ladə hallar zamanı təxliyə işlərinin təşkili” mövzusunda videofilm və maarifləndirici müha­zirə təqdim olunub."Azərikimya” İB-nin Müşahidə Şurasının sədri Muxtar Babayev görülmüş işləri müsbət dəyərləndirib, işçilərin sağlamlığının qorunması, əmə­yin mühafizəsi və iş yerlərində təhlükəsizlik texnikası qaydalarına ciddi əməl edilməsi isti­qamətində ciddi addımların atılmasını və mövcud prob­lemlərin dərhal aradan qaldırılmasını günün ən vacib məsələlərindən biri kimi qiymətləndirib.