Sumqayıt şəhər Gənclər və İdman Baş İdarəsinin http://sumqayit.gen.az/  ünvanlı rəsmi internet səhifəsinə giriş mümkün deyil. İdarə saytının açılmamasına səbəb isə saytın yerləşdiyi server şirkətinin xidmət haqqının ödənməməsidir. Belə ki, saytı açmaq istəyərkən oxucular belə bir mətnlə rastlaşırlar və bu mətni olduğu kimi təqdim edirik: "Veb sayt illik hostinq borcuma gore baglanmisdir.”
Gənclər və İdman İdarəsindən isə saytın fəaliyyət göstərməməsinin səbəbini başqa məsələ ilə əlaqələndirirlər. Bildirilir ki, idarənin rəsmi internet səhifəsinin tərtibatında dəyişikliklər ediləcək və məhz bu səbəbdən də fəaliyyət göstərmir.Əcəba buradan belə bir sual meydana çıxır: Əgər saytın dizaynında dəyişiklik edilirsə bununla bağlı http://sumqayit.gen.az/ ünvanına daxil olmaq istədikdə oxucular  elan tipli mətnlə rastlaşmalıdırlar. Məsələn: "Saytımızda texniki təmir işləri aparılır. Müvəqqəti narahatçılığa görə oxucularımızdan üzr istəyirik”
Amma görünən odur ki, Sumqayıt şəhər Gənclər və İdman Baş İdarəsinin saytının yerləşdiyi serverin xidmət haqqını ödəməyə vəsaiti yoxdur?
Xeberle.com