"Zibildaşıyan maşın hər gün tullantıları yığarkən ətrafı pis vəziyətə
qoyub gedir. Tullantının bütün suyu maşınan ətrafa dağılır. Qoxu və üfunət
iyindən evdə oturmaq, pəncərəni acmaq mümkün deyil. Binanın qarşısı bütün yay
bu vəziyyətdə olub. Uşaqlar qeyd olunan ərazidə oynayır, velosiped sürürlər bu da, onlara və hamımıza
böyük ziyandır, təhlükədir".
Bu dəfə Xeberle.com-a zibil maşınlarından küçələrə axan su ilə
bağlı Sumqayıt şəhəri 9-cu mik bina 72-ci binanın sakinləri şikayət ediblər.
Problemlə bağlı Sumqayıt Təmizlik
Departamenti ilə əlaqə saxladıq. Qurumda
Xeberle.com-a bildirildi ki, tullantıları daşıyan maşınlar Almaniya
istehsalıdır və tullantı üçün nəzərdə tutulub: "Lakin yay aylarında sakinlərin
meyvə-tərəvəz qalıqlarını zibil qutularına atması problemlər yaradır. Maşınlarımız
nə qədər təzə də olsa, tullantı üçün nəzərdə tutulduğundan, tullantının suyunu
küçəyə axıtmaq məcburiyyətində qalır. Bu problem avqust ayının sonuna kimi
davam edəcək".
Təmizlik departamentindən verilən açıqlamada o da qeyd olunub
ki, başqa ölkələrdə, qarpız və sairə sulu meyvə tərəvəzlər marketlərdə təmizlənib
paketlənir: "Qalıqları isə xüsusi maşınlarla daşınır. Biz də hələ tam bu
istiqamətdə formalaşa bilmədikcə yay aylarında qarpız suyunun axması halları
yaşanacaq".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
