8 Mart Qadınlar Bayramı münasibətilə Sumqayıt şəhər Dövlət Yol Polisi İdarəsi xanım sürücülər arasında reyd keçirib. Reyd Sumqayıtın bir neçə nöqtəsində həyata keçirilib. Xanım sürücüləri saxlayan yol polisi əməkdaşı öncə sənədləri tələb edib. Heç bir xanım sürücü barəsində cəza tədbiri görülməyib. Sonda polis əməkdaşları hər bir xanım sürücüyə gül təqdim edərək onları təbrik edib. Yol polisi əməkdaşları bu qeyri-adi tədbiri Xeberle.com-un və digər media qurumlarının iştirakı ilə təşkil edib. Hadisə şəhər sakinləri tərəfindən maraqla qarşılanıb. Sumqayıt TV həmin görüntüləri təqdim edir.