Heydər Əliyev Sarayında Aslı Güngörün konserti keçirilib. O sevgililər gününə özəl Azərbaycana gəlib.
Xeberle.com məlumat verir ki, Aslı Güngör konsertdən əvvəl jurnalistlərə açıqlama verib. O Bakıya ilk dəfə gəldiyini qeyd edib.
"Bakı çox gözəl şəhərdir. Bu ölkənin insanları çox istiqanlı və gülərüzdür”.
O sevgililər günündən və eşqdən bəhs edib.
"Eşq, sevgi mənim üçün hər şeydir. Gördüyüm hər işi sevgiylə görürəm. Məhz bu baxımdan bütün mahnılarım sevgiyə aiddir. Sevgini isə layiq olan insana vermək lazımdır”.
Konsert tamaşaçıların böyük marağı və coşqusu ilə qarşılanıb. A.Güngör türk estradası ilə yanaşı, Azərbaycan mahnıları da oxuyub. Mahnılarımızın vurğunu olan müğənninin ifaları sürəkli alqışlarla müşayiət olunub.
Xəbərdən istifadə edərkən istinad etmək vacibdir.
