Bu gün Azərbaycan Avroviziya mahnı yarışmasında finala çıxmaq üçün mübarizə aparacaq.  Vyanada keçiriləcək Avroviziya-2015-də Azərbaycanı təmsil edən Elnur Hüseynov "Hour of the Wolf” ("Qurd zamanı”) mahnısı ilə 11-ci çıxış edəcək. Bizim ölkə ilə bərabər Litva, İrlandiya, San Marino, Monteneqro, Malta, Norveç, Portuqaliya, Çexiya Respublikası, İsrail, Latviya, İslandiya, İsveç, İsveçrə, Kipr, Sloveniya və Polşa kimi ölkələr də finala çıxmaq üçün yarışacaqlar.   Mayın 19-da keçirilmiş ilk yarımfinal iştirakçılarından Rusiya, Albaniya, Ermənistan, Belçika, Macarıstan, Yunanıstan, Gürcüstan, Serbiya, Rumıniya və Estoniya kimi ölkələr finala çıxmağa müvəffəq olublar.   Avroviziya-2015 musiqi yarışmasının finalı mayın 23-də baş tutacaq. (axar.az)