"Sumqayıt mənim uşaqlığımın, cavanlığım keçdiyi  və "Sevən Ürəklər" qrupunun ərsəyə gəldiyi şəhərdir"

Bu dəfəki qonağımızı çoxunuz tanıyırsınız. Söhbət "Sevən ürəklər” musiqi qrupunun rəhbəri Nicat Zeynallıdan gedir. Onunla sənətə necə gəlməyindən, fəaliyyətindən və gələcək planlarından söhbət açdıq. Xeberle.com həmin müsahibəni təqdim edir.

- Nicat bəy, ixtisasca həkimsiniz. Cox maraqlıdır müğənnilik hara, həkimlik hara?

- Mənim heç müğənnilik etmək fikrim olmayıb. Sadəcə olaraq "Sing your song"mahnı müsabiqəsində Nail ilə iştirak etdik. Sonra isə bizi proqramlara, konsertlərə dəvət etdilər. Beləcə başladıq...

- "Sevən ürəklər” qrupunun tanınmasında "Sing your song" mahnı müsabiqəsinin böyük rolu oldu. Müsabiqədən sonra sizə şou-biznesdə kim dəstək oldu?

- Bizə heç kim dəstək olmayıb, hər şeyi özümüz edirik. Mahnını da ,aranjemanı da, klipi də.

- "Sevən urəklər” qrupunun yaranması gəlməsi barədə danışardınız.

- Qrupu 14 il əvvəl Nail Yusifov və mən ərsəyə gətirdik. Musiqini sevdiyimiz üçün...

- Bildiyimə görə mahnılarınızı da elə qrupdan olan üzvləriniz yazır.Digər bəstəkarlara müraciət etmisinizmi?

- Digər bəstəkarlar Emil Murad,Talıb Tale,Yakov Kirsanovdan mahnılar oxumuşuq.

- Azərbaycanda bir çox qruplar olub ki, fəaliyyətləri uzun sürməyib. Siz qrupun uzun illərdir fəaliyyət göstərməsinə necə nail oldunuz?

- Qrup pul qazanmaq ucun yaranmayıb.Ona gorə də uzun muddətdir fəaliyyət göstərir. Bu artıq bizim yaşam tərzimizdir.

- Ümumiyyətlə, bu illər ərzində qrup üzvləri arasında heç münaqişə yaranmayıb?

- Qrupda münaqişə yox, mübahisələr olub. Oda musiqi, klip işinə görə oıub.

- Yerli qruplardan hansılarını bəyənirsiniz?

- Azərbaycanda istənilən ifaçını dəstəkləyirəm. İstər qrup, istərsə də müğənni. Mənim sevdiyim müğənni Natavan Həbibidir.

- Rəqib gördüyünüz qrup varmı?

- İstənilən biznes bazarında olan rəqib olur.

- Nicat bəy, mediadan uzaqlaşmısınız. Son zamanlar demək olar ki, görünmürsünüz...

- Biz mediadan uzaqlaşmamışıq. Efir, radio ödənişlidir. Biz də pul vermirik deyə media bizdən uzaqlaşıb.

-Nə vaxtsa bu sahədən uzaqlaşıb yenidən həkim kimi fəaliyyət göstərmək fikriniz varmı?

- Mən elə indi də həkim kimi fəaliyət göstərirəm.

- Yaradıcılığınızda nə yeniliklər var?

- "Arzuların ardınca” filmi tamaşaçılara təqdim olundu və mən o filmi rənglədim,yəni kolorist mən idim. Eyni zamanda həmin filmə soundtrack yazdıq,oxuduq və klip çəkdik.

- Sumqayıt şəhərində doğulmusunuz. Bu şəhər sizin üçün nə önəm kəsb edir?

- Sumqayıt mənim uşaqlığımın, cavanlığım keçdiyi  və "Sevən Ürəklər" qrupunun ərsəyə gəldiyi şəhərdir. Dünyanın ən sakit və rahat şəhəridir.Tıxac olmur.Şəhərin 90 faizini tanıyıram.Hamı mənə hörmətlə yanaşır.

Zeynəb Abdullah

Xeberle.om