Dünən sosial şəbəkələrdən birində müğənni Nadir Qafarzadənin ermeni mahnısını oxuduğunu ve şərhçilər tərəfindən müğənninin tənqid və təhqir olunmasının şahidi oldum. Düzü inanmadım. Çünki, bizdə adətdir axı, bilən bilməyən hamı yazır. Araşdırdım... Həqiqət çıxdı.

Canlı efirdən bir başa istifadə edib Nadir Qafarzadəyə ağız büzənlərə demək istəyirəm ki, tənqidi və təhqirli sözlərinizi özünüzdə saxlayıb. İfa edib lap əccəb də edib. 

Erməni musiqiçiləri tərəfindən Azərbaycan xalqının folklor və klassik bəstəkarlar əsərləri «Vağzalı», «Yallı», «Uzundərə», «Mirzeyi», «Qazağı», «Tərəkəmə» kimi oyun havalarını, «Sarı gəlin» «Xan bacı», «Dəli Ceyran» kimi Azərbaycan xalq mahnılarını erməni adlarına çıxardılır. Deyəsən çox uzun keçmişə getdim. Elə isə bir qədər yaxına, hər bizimizin xatırladığı Brilliant Dadaşovanın ifa etdiyi Vakaliz mahnısını xatırlayaq. Hətta qədim Azərbaycan musiqilərinin cəmləşdiyi bu mahnı üçün xalq artisti məhkəməyə müraciət edəndə ermənilər saxta sənəd hazırlayıb guya bu mahnı 100 il əvvəl erməni müəllif agentliyindən keçib. 

Eyni hal Lalə Məmmədovanın ifa etdiyi “Məktəb illəri”, Aygün Kazımovanın “Gəncəm”, Röyanın “Eşqim” və digər mahnılarda da təkrarlanır. İndi Nadirin bir erməni mahnısı ifa etməsi faciə oldu? Əslində bu heç erməni mahnısı da deyil. Bu elə əsl qədimi ,tarixi təxminən 150 ildən də çox olan qədim Azərbaycan mahnısıdır. Nadir, səsinə qüvvət.