"Xəzər FM” və 100.5 FM radiolarının rəhbəri Nəsib Nur yeni vəzifəyə təyin edilib.
Xeberle.com xəbər verir ki, tanınmış aparıcı qafqazinfo-ya açıqlamasında bildirib ki, "Dalğa TV”yə yaradıcılıq üzrə rəhbər təyin edilib:
""İş yerimiz "Xəzər Media Mərkəzi” olaraq qalır. "Dalğa TV” də həmin mərkəzə daxil olan bir qurumdur. Hazırda kanal formalaşmaq üzrədir. Mən də yaradıcılıq işlərinə və kanalın ümumi fəaliyyətinə məsul olacağam. Artıq bu gündən vəzifəmin icrasına başlamışam”.
N.Nur sözlərinə əlavə edib ki, "Dalğa TV”də yeni əcnəbi seriallar və filmlər Azərbaycan dilində yüksək keyfiyyətli dublyajla tamaşaçılara təqdim ediləcək.
Əldə etdiyimiz məlumata görə,"Xəzər FM” və 100.5 FM radiolarına isə uzun müddətdir ABŞ-da yaşayan Səxavət Nur təyin edilib. Sabah bu barədə təqdimat olacaq.
Xəbərdən istifadə edərkən istinad etmək vacibdir.
