AYB Sumqayıt bölməsinin, Abşeron- Xızı Regional Təhsil İdarəsinə tabeli 40 saylı tam orta məktəb rəhbərliyinin təşəbbüsü və təşkilatçılığı ilə 28
may Respublika Gününə həsr olunmuş Xalq şairi Rəsul Rzanın vətənpərvərlik mövzusunda yazılmış şeirlərinin bədii qiraət müsabiqəsinin 3-cü yekun turu keçirilmişdir.Tədbiri məktəbin direktoru İlqar Həbibov açmış və sözü qonaqlara vermişdir. AYB Sumqayıt bölməsinin sədri Gülnarə Cəmaləddin hər kəsi 28 may Respublika günü münasibətilə təbrik etmiş, müsabiqənin məqsəd və məramından danışmışdır. Vurğulanmışdır ki, belə tədbirlərin keçirilməsi əhəmiyyətli və zəruridir.
Tanınmış şair Zirəddin Qafarlı,"Sumqayıt" qəzetinin nümayəndəsi, şair İlhamə Məhəmmədqızı, AYB Sumqayıt bölməsinin sədri Gülnarə Cəmaləddin və 40 saylı tam orta məktəbin direktoru, şair-publisist İlqar Həbibi olmaqla 4 nəfərlik münsiflər heyətinin qərarı ilə 1, 2, 3-cü və həvəslənirici yerlərə layiq görülən şagirdlərin adları elan olunmuşdur.
Qaliblər fəxri fərman və qiymətli hədiyyələrlə mükafatlandırılmışlar.
İlhamə Məhəmmədqızı
Xəbərdən istifadə edərkən istinad etmək vacibdir.
