Gender problemləri və onun həlli istiqamətinə yönəlmiş "Gender bərabərliyi: Bərabər addımlar, uğurlu nəticələr” adlı yeni kitab çap edilib.
Kitabın müəllifi AMEA-nın doktorantı, Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzinin müəllimi, Optimallaşdırma və optimal idarəetmə üzrə mütəxəssis, gender məsələləri üzrə araşdırmaçı, təlimçi, tədqiqatçı, "Elm Texnologiya və İnnovasiyaların İnkişafına Dəstək” İctimai Birliyinin təsisçisi və sədri Şaqavatova Samirə Salman qızıdır.
15 sərlövhədən ibarət olan bu kitabın ərsəyə gəlməsində əsas məqsəd cəmiyyətimizdə kök salmış stereotipləri aradan qaldırmaq və gender bərabərliyi çərçivəsində qadınlara dəstək olmaqdır.
"Gender bərabərliyi: Bərabər addımlar, uğurlu nəticələr” adlı elmi-tədqiqat kitabı gender bərabərliyinin mahiyyətini açmaqla yanaşı ailədə, təhsildə, müasir Azərbaycanın ictimai-siyasi həyatında və s. sahələrdə cəmiyyətimiz üçün mühüm əhəmiyyət kəsb edir.
Kitab gender məsələləri istiqamətində maraqlı olan ali təhsil ocaqları, dövlət qulluqçuları, müvafiq fənləri tədris edən müəllimlər, elmi işçilər, tələbələr, dövlət idarəçiliyində gender məsələsi ilə maraqlanan oxucular üçün çox əhəmiyyətli bir vəsaitdir.
Samirə Şaqavatovanın ərsəyə gətirdiyi bu kitab ölkədə gender bərabərliyinin təbliğinə mühüm töhfələr verəcək.
Xəbərdən istifadə edərkən istinad etmək vacibdir.
