"30+1" adlanan kitabda 13 gənc müəllifin yazıları toplanıb. Bu kitab 13 fərqli düşüncə sahibinin birlikdə ərsəyə gətirdikləri şeirlər və hekayələrədən ibarətdir.  Avqust 9-da oxucularla görüşə gələcək kitabda 13 gənc, fərqli yazar və şairin maraqlı, sentimental, senzurasız, azad fikirli, həmçinin araşdırma tipli yazıları olacaq.
Kitabda yer alacaq qələm sahibləri bunlardır:
1.İlkin Tomar
2.Nicat Həşimzadə
3.İsmayıl Rizvanoğlu
4.Murad Ramazanov
5.Şvartsman
6.Xan Abdulla
7.Yusif Hansen
8.Ağaəhməd Göyüşov
9.Seymur Su
10.Kamran Süleyman
11.Paşa Hikmət
12.Ziya Balıyev
13.Elvin Nihan
Kİtabın təqdimatı Avqustun 9-da Dəmir yol xəstəxanasının yanında yerləşən "Kitabevim.Az" kitab mağazasında keçiriləcək.
13 yazardan biri olan İsmayıl Rizvanoğlu Xeberle.com-a bunları dedi: "Heç bir maddi dəstək olmadan 13 gənc yazar və şair olaraq bir araya gəlib ilk kitabımızı çıxartmağı qərarlaşdırdıq. Əvvəla isə öz "Yumruq" adlı birliyimizi yaratdıq. Bir-birimizə dəstək olduq. Və budur bəhrəsini də gördük. Avqust ayının 9-u saat 16:00-da "30+1" adlı kitabımız oxucuların görüşünə gələcək. Təqdimatımız kitabevim.az kitab mağazasında baş tutacaq. Kitaba marağı və sevgisi olan hər kəs dəvətlidir. Kitabın ərsəyə gəlməsində hər birimizin əməyi oldu. Kitabın adının açıqlaması isə "30 hekayəni biz yazdıq 1-ni isə hörmətli oxucu sən yaz və kitab tamamlansın" deməkdir. Gələcəkdə də bu tip layihələri davam etdirməyi düşünürük. Ən azından ona görə ki, kitab olan maraq daha yüksək səviyyəyə qalxsın."
Qeyd edək ki, "30+1"-in layihə rəhbəri İlkin Tomar, redaktorları Xan Rəsuloğlu, İsmayıl Rizvanoğlu, korrektoru isə Seymur Sudur.