Sumqayıtlı yazıçı Varis Yolçuyevin yeni romanı çap olunub. Yeni - “Yaşıl üzlü gündəlik” romanı Varisin sayca 9-cu kitabıdır.
“Yaşıl üzlü gündəlik” romanı yazıçının modern romançılığa bədii ədəbiyyatla publisistikanın vəhdəti formasında verdiyi növbəti töhfədir. Zirzəmidə səfil həyatı sürən uşaqları aşkarlamaq üçün reyd keçirərkən televiziya əməkdaşları gözlənilmədən uşaqların əşyaları arasında ucqar dağ kəndindən Bakıya oxumağa gəlmiş və 4 ildir ki, itkin düşmüş qızın gündəliyinə rast gəlirlər.
Kəskin süjeti və dramatizmi ilə fərqlənən romanda Azərbaycan teleindustriyasının mövcud durumu, Azərbaycan cəmiyyətini narahat edən ən aktual problemlər də söhbət mövzusudur. Roman geniş oxucu kütləsi üçün nəzərdə tutulub.
“Yaşıl üzlü gündəlik” romanının texniki redaktoru Rasim Mədəddir. Kitabın qiyməti isə 5 manatdır.
Xəbərdən istifadə edərkən istinad etmək vacibdir.
