Azərbaycanın ədəbi-mədəni fikir tarixinin bu əlamətdar hadisəsinin dövlət səviyyəsində təşkil edilməsi məqsədilə "Böyük Azərbaycan şairi İmadəddin Nəsiminin 650 illik yubileyinin qeyd edilməsi haqqında” ölkə başçısının müvafiq sərəncamı ilə Nazirlər Kabinetinə müvafiq tədbirlər planının hazırlanıb həyata keçirilməsi tapşırılıb.

Bəs Sumqayıtda "Nəsimi ili" çərçivəsində hansı tədbirlərin həyata keçirilməsi nəzərdə tutulub?

Sumqayıt şəhərində bununla bağlı hansı tədbirlərin keçiriləcəyi barədə məlumat əldə etmək üçün Azərbaycan Yazıçılar Birliyinin Sumqayıt şəhər şöbəsinin sədriGülnarə Cəmaləddinlə əlaqə saxladıq. Gülnarə Cəmaləddin Xeberle.com- a "Nəsimi ili" ilə bağlı bunları deyib: "Sərəncamdan öncə də 2019-cu ildə bununla bağlı tədbirlər keçirməyi planlaşdırırdıq. Sabir Sarvan adına Uşaq poeziya teatrının üzvləri arasında Nəsiminin qismən unudulmuş şeirlərindən ibarət müsabiqə keçirməyi düşünürük. Ədəbi- bədii kompozisiyalardan ibarət gecələr təşkil edərək Nəsiminin kölgədə qalan şeirlərini gündəmə gətirmək istəyirik”.

Xədicə Səxavətqızı

Xeberle.com