Sumqayıtda "Poeziya evi"ndə istedadlı şair Xaqani Ayxanın "Ağaclar payızda çiçəkləyəndə" şeirlər kitabının təqdimat mərasimi keçirilib.
Xeberle.com-a verilən məlumata görə, təqdimat mərasimində şairin qələm dostları və poeziyasevərlər iştirak ediblər.
Tədbiri giriş sözü ilə "Poeziya evi"nin direktoru, şair İbrahim İlyaslı açaraq, yeni kitabın məziyyətlərindən danışdı və tədbirin aparıcılığını kitabın redaktoru, tanınmış şair Zirəddin Qafarlıya həvalə etdi.
Kitabın ön söz müəllifi, filologiya elmlər doktoru, görkəmli tənqdçi Vaqif Yusifli çıxış edərək, Sumqayıt ədəbi mühitindən, o cümlədən Xaqani Ayxan yaradıcılığından geniş söhbət açdı.
Təqdimat mərasimində görkəmli şair, filologiya elmləri doktoru, professsor Rafiq Yusifoğlu, şairlərdən Əlisəmid Kür, Rafiq Oday, Süleyman Sərraf, Asif Asiman, Ənvər Məsud, Xaqani Abbasəli Öztürk, Eldar Xanlaroğlu, şairə Qaratel Azəri, Qərib Şahin və başqaları çıxış edərək, müəllifi yeni kitabının işıq üzü görməsi münasibıti ilə təbrik edib, yeni yaradıcılıq uğurları arzulayıblar.
Xəbərdən istifadə edərkən istinad etmək vacibdir.
