"Erməni tərəfi cəbhə xəttinə ABŞ-ın texnologiyası olan xüsusi kameraların yerləşdirilməsini istəyir”
Ermənistan prezidenti Serj Sarkisyanın danışıqlardan imtina etməsi, ardınca bu gecə ön cəbhədə insidentin güclənməsi cəmiyyətdə yenidən müharibə abu-havası yaradıb. Aprel ayının əvvəllərində baş verən döyüşlərdə olduğu kimi insanlarımız yenidən səfərbərlik, müharibə əzmindədir.
Bəs görəsən Sarkisyanın danışıqalrdan imtina etməsinin arxasında əslində hansı maraqlar dayanır? Bəzi ekspertlərin qeyd etdiyi kimi bu günlərdə müharibə yenidən başlaya bilərmi?Müharibə başlayacağı təqdirdə ölkə başçısının milli səfərbərlik üçün müxalitfət liderləri ilə bir masa ətrafında oturması mümkündürmü?
Moderator.az-ın bu və ya digər suallarına millət vəkili Zahid Oruc aydınlıq gətirib.
Z.Oruc qeyd edib ki, aprel ayını əvvəllərində baş vermiş döyüşlər zamanı insanların birlik nümayiş etdirməsi əslində çox böyük iş idi: "Müharibədəki qələbəmiz cəmiyyətdəki səfərbərlik, birlik, hər kəsin bunu haqq işi kimi dərk etməsi, otada olan siyasi, sosial və s. kimi fikir ayrılıqlarını kənara qoyulmasından keçir. Biz 1990-cı illərdə həm elitamızın patçalanmasına, idarəçilkdəki səriştəzizliklərə, müxtəlif qüvvələr arasındakı konfrantasiyaya görə uduzmuşduq. Eyni zamanda iqtisadi cəhətdən zəif bir ölkəni müxtəlif cəbhələrdən həmlə edərək iflasa uğratmışdılar. Bu mənada bizim siyasi birliyimiz hərbi qüvvələrimizin eyni kəskinliklə erməni tərəfinə zərbə vurmağına çox kömək edir. Dödgünlük müharibədə Azərbaycan xalqı vahid bir qüvvə kimi ordunun yanındaydı, əsgərlərimizlə birgə hərəkət edirdi, hadisələri izləyən insanlarımız vətən naminə ayağa qalxmışdı. Bir çoxları bunun səbəblərini birinci savaşdan qalan kompleksləri dağıtmaq, milli düşüncədəki travmanı aradan qaldırmaq, məğlubiyyət kompleksindən çıxmaq və s. üçün dəyərləndirirlər. Burada hər bir fikrin həqiqət payı var, ancaq yekun nəticə ondan ibarətdir ki, dördgünlük müharibədə bütün xalqın özünü əsgər kimi aparması qazandığımız uğurlarda mühüm rol oynayır”.
Millət vəkili qeyd edib ki, indi Sarkisyan əslində müharibə etmək yox, növbəti planını həyata keçirmək məqsədi güdür: ""İndi Sarkisyan ilk günlər verdiyi yalan bəyanatlardan sonra məlum itkilər, ordunun durumu, illər ərzində Ermənistanın izolyasiya vəziyyətində qalması və s. məsələlərə görə cəmiyyət qarşısında məcbur qalıb. Ona görə də indi də erməni xalqını növbəti yalanlarla aldatmaqdadır ki, biz BMT-də məktub yaymışıq ki, Azərbaycan artıq müharibə qərarı verib. Yalnız ona görə ki, 1994-cü ilin atəşkəs razılaşması qüvvədən düşübdür və belə olan təqdirdə ortada tərəflərin münasibətlərini tənzimləyən hər hansı bir akt yoxdur. Baxmayaraq ki, Bişkek protokolu da nə müqaviləydi, nə də saziş. Hətta dünyəvi siyasi cani Kazimirov da özünün bütün hüququ-siyasi potensialını sıxıb əsalandıra bilmir ki, həmin sənədin adı nədir.
Erməni tərəfi bu provakasiyaları törədərək Azərbaycanın qarşısına xarici dairələri qoymaq istəyir. Təəssüf ki, bizim mediamızda bu, təhlil olunmur. Məsələnin mahiyyəti ondan ibarətdir ki, Lavrov Nalbadyanla danışıqlarda üzünü Almaniyaya tutub bəyan etdi. Bu da ondan ibarətdir ki, erməni tərəfi çalışır ki, nə hərbi, nə təhlükəsizlik, nə də coğrafi bölgədəki status-kvo dəyişməsin deyə cəbhə xəttinə ABŞ-ın texnologiyası olan xüsusi kameralar yerləşdirilsin. Təəssüf ki, bizdə bununla bağlı palitoloji siyasi dairələrdə, hətta parlamentdə hansısa məsələlər qaldırılmır, müzakirə olunmur, soruşulmur ki, indi ermənilərin hədəfi nədir. Yəni, cəbhə xəttinə hansısa qurğular yerləşdirilsin, xüsusi qüvvələrə də səlahiyyət verilsin ki, kimin birinci atəş açdığını fiksasiya etsinlər. Və buna görə də Azərbaycan tərəfini mühakimə etmək asanlaşsın. Ermənilər birinci müharibədə istədiklərini qazanıblar, hətta Dağlıq Qarabağ ərazisindən 3 dəfə artıq məkanı ələ keçiriblər. Ona görə də indi buna cəhd edirlər.
Sarkisyana, onun verdiyi bəyanatalara, erməni cəmiyyətinin məlum uğurusuzluqdan çıxmaq üçün əl atdığı təxribatlara, Bakını, Şəkini və s. hədəfləri vuracağıq kimi ultimatumlarına baxmayaraq hazırkı dövrdə hədəf ondan ibarətdir ki, Rusiya ilə Azərbaycan arasında toqquşma baş versin. Hansısa nöqtələrdən Azərbaycan əraziləri vurulsun və tərəfləri ən azı 1 aprel vəziyyətinə qaytarmaq mümkün olsun”.
Deputat sonda qeyd edib ki, yenidən müharibə qərarları verləcəyi halda cəmiyyətin bütün təbəqələri dövlət başçısının yanında olacaqlar: "Sadəcə siyasi partiyaların dövlət rəhbərliyi ilə, hakimiyyətlə bir səngərdə olması deyil, bütün ictimai hərəkatlar, QHT-lər vətən naminə səfərbər olunacaqlar. Lakin burda bir nöqtəni unutmaq lazım deyil, Azərbaycanın insan resursları Ermənistandan qat-qat güclüdür. Dördgünlük müharibədə ermənilər səngərdə əsgər çatışmazlığını, hərbçi azlığını aradan qaldırmaq üçün müxtəlif səfərbərliklər keçirdilər. Bizdə hərbi vəziyyət elan olunacağı, müharibə qərarı veriləcəyi halda yaşı 52-yə qədər olan kişilərimizin sayı 1.5 milyona qədərdir. Bu da kifayət qədər böyük bir qüvvədir”.
Xəbərdən istifadə edərkən istinad etmək vacibdir.
