Mayın 4-də saat 12.00-dan 14.30-dək Sumqayıt
şəhərinin bir sıra mərkəzi küçələrində nəqliyyatın hərəkəti müvəqqəti
olaraq dayandırılacaq.
Nəqliyyat vasitələrinin hərəkəti həm paytaxtda, həm də bölgələrdə məhdudlaşdırılacaq.
Azərbaycanda mayın 4-dən 8-dək "Tour d'Azerbaidjan” beynəlxalq velosiped turunun növbəti yarışları keçiriləcək.
Xeberle.com
xəbər verir ki, yarışla əlaqədar bəzi yollarda hərəkət
məhdudlaşdırılacaq. "Tour d'Azerbaidjan” beynəlxalq velosiped turunun
keçirilməsi ilə əlaqədar may ayının 4-də saat 12.00-dan 14.30-dək
Sumqayıt şəhərinin bir sıra mərkəzi küçələrində nəqliyyatın hərəkəti
müvəqqəti olaraq dayandırılacaq.
Sumqayıt sürücülərinin nəzərinə
çatdırırıq ki, sözügedən saatlarda "Səməd Vurğun küçəsi- Azərbaycan
prospekti – Heydər Əliyev prospekti – A. Quliyev küçəsi- N. Nərimanov
küçəsi – Zülfü Hacıyev küçəsi – Üzeyir Hacıbəyli küçəsi – Zülfü Hacıyev
küçəsi – Heydər Əliyev prospekti – Sülh küçəsi – Səməd Vurğun küçəsi”
marşrutu üzrə nəqliyyatın hərəkəti dayandırılacaq.
Göstərilən vaxtda həmin istiqamətlərə alternativ yollardan istifadə olunması xahiş olunur.
Xəbərdən istifadə edərkən istinad etmək vacibdir.
