Rüblük qiymətləri aşağı olduğundan
qorxub evdən qaçan 3 məktəbli qız mobil telefonlarının siqnalının köməyi ilə
tapılıb.
Xeberle.com-unTürkiyə mətbuatına istinadən məlumatına görə, Türkiyənin Kırıkkala şəhərində 3 məktəbli qız itkin düşüb. Özəl bir liseydə təhsil alan qızlar bir gün
öncə dərsə getmək adı ilə evdən çıxaraq geri qayıtmayıblar. Bundan təşvişə düşən
valideynlər polisə müraciət ediblər. Məktəbli
qızların tapılması istiqamətində polis əməkdaşları geniş axtarış tədbirləri həyata
keçiriblər. Mobil telefonların siqnalı
vasitəsi ilə qızlar "Bağçalı evlər"
məhəlləsində sinif yoldaşlarının evində tapılıblar.
Məlum olub
ki, qızların evdən getməsinə səbəb təhsil aldıqları liseydə alacaqları zəif
qiymətlər olub. Belə ki, məktəblilər polisə ifadələrində valideynlərindən
qorxaraq bu addımı atdıqlarını deyiblər.
Onların ifadələri
alındıqdan sonra ailələrinə təhvil veriliblər.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
