Sumqayıt Bulvarında isə dənizə uzanan körpünün altından asılmış vəziyyətdə bir gəncin cansız bədəni aşkarlandı. Araşdırma zamanı həmin şəxsin 1998-ci il təvəllüdlü Qurbanov Müzəffər Qəzənfər oğlu olduğu və intihar etdiyi ortaya çıxdı.

Daha bir acı xəbər isə şəhərin Hacı Zeynalabdin qəsəbəsindən gəldi. Belə ki, qəsəbədə fərdi yaşayış evlərindən birində yaşayan 36 yaşlı Rəhimov Habil Əli oğlu özünü zirzəmidən asdı.

Axşama doğru isə Sumqayıt şəhərində daha bir faciə yaşandı. Şəhərin 10-cu mikrorayonunda mənzillərin birində 2009-cu il təvəllüdlü Əmiraslanova Sevinc Elman qızı hamamda dəm qazından boğularaq öldü.

Şəhərin Sahil küçəsində isə iki avtomobil toqquşdu. Qəza nəticəsində 1991-ci il təvəllüdlü İsmayıllı Cavid İsrail oğlu xəsarət alaraq Sumqayıt Şəhər Təcili Tibbi Yardım Xəstəxanasının Reanimasiya şöbəsinə yerləşdirildi.

Faktlarla bağlı araşdırmalar aparılır.

Xədicə Səxavətqızı

Xeberle.com