Sumqayıtda 44 yaşlı qadın qəflətən ölüb.
Xeberle.com xəbər verir ki, 1976-cı il təvəllüdlü Əliyeva Lalə Müseyib qızının yaşadığı evdə qəflətən vəziyyəti
pisləşib. Həkimlərin səylərinə baxmayaraq, onu xilas etmək mümkün olmayıb.
L. Əliyeva 25 gün bundan öncə ana olubmuş.
Araşdırma nəticəsində məlum olub ki, L. Əliyeva may ayının 12-də Sumqayıt
şəhər 1 nömrəli Doğum Evində əməliyyatla uşaq dünyaya gətirib. O,
doğum evinin həkimi Aziyə Hacıyevanın pasienti olub.
Həkim A. Hacıyeva Xeberle.com-a açıqlamasında bildirib ki, Lalə Əliyeva uzun
müddətdir ki, müvafiq müalicə prosedurları keçirmiş: "Hamiləliyə qədər və
hamiləlikdə də mən müalicə etmişəm. Siz zəng edib xəbəri verəndə mən çox məyus
oldum. Bilmirdim xəstəm rəhmətə gedib. Lalənin evdə uşağı yox idi, ilk hamiləliyi,
ilk doğuşu olub. Əməliyyat zamanı və əməliyyatdan sonra heç bir problem
olmayıb. Qan təhlilləri və digər müayinələri hamısı normada olub”.
44 yaşlı qadının ölüm səbəbləri aparılan ekspertizanın nəticəsindən sonra
məlum olacaq.
Faktla bağlı araşdırma aparılır.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
