Rusiyanın Orsk şəhərində azərbaycanlı ömürlük azadlıqdan məhrum edilib.
Oxu.Az Rusiya KİV istinadən xəbər verir ki, noyabrın 2-də 33 yaşlı azərbaycanlı mübahisə zəminində əvvəllər bir mənzildə yaşadığı qadına 20-ə yaxın bıçaq zərbəsi endirib.
Aldığı yaralardan qadın hadisə yerində keçinib.
Ardınca isə cinayətkar qadının 2012-ci il təvəllüdlü qızını doğrayıb. Saxlanılması zamanı cinayətkar hüquq mühafizə əməkdaşlarına sərt müqavimət göstərib, hətta onlardan birinin qarın nahiyəsinə bıçaq xəsarəti yetirməyə çalışıb.
Azərbaycanlı iki nəfərin qəsdən öldürülməsi, o cümlədən azyaşlının xüsusi amansızlıqla qətlə yetirilməsi və qanuni vəzifəsini yerinə yetirən hüquq mühafizə orqanı əməkdaşının həyatına qəsd” ittihamları üzrə təqsirli bilinib.
Məhkəmə onu ömürlük azadlıqdan məhrum edib. Cəzasını Orskın xüsusi rejimli islah müəssisəsində çəkəcək.
Xəbərdən istifadə edərkən istinad etmək vacibdir.
