Nazirlik xoşbəxt bir toplum üçün dövlətlə əhali arasında əlaqə quracaq.
Birləşmiş Ərəb Əmirliyində (BƏƏ) yeni nazirlik qurulur. Ölkənin baş naziri və Dubay şəhərinin əmiri Məhəmməd bin Rəşid əl Maktum bu barədə açıqlama verib. O, yeni idarənin xoşbəxtlikdən məsul dövlət nazirliyi adlanacağını deyib. 
Əmir "Twitter" səhifəsində bu barədə açıqlama verib. O, BƏƏ-nin inkişafında yeni dövrə hazırlıq məqsədilə yeni nazirliklərin qurulacağını qeyd edib. 
"Xoşbəxtlik Nazirliyinin əsl hədəfi xoşbəxt bir toplum üçün hökumətin planları, proqramları və siyasəti arasında əlaqəni yaratmaq olacaq". 
Onun sözlərinə görə, dünyada bir ilk olan nazirliyin vəzifəsi toplumda hüzuru təmin etməkdən ibarət olacaq. Hökumətə daxil olan yeni nazirliklər arasında - Xoşməram Nazirliyi də var. Bu nazirliyin məqsədi isə BƏƏ toplumuna əsas dəyər olan xoşməramı yaymaqdır. (anspress)

BƏƏ-nin inkişaf layihəsi
"Kabinet İşləri Nazirliyinin adı isə Kabinet və Gələcək Nazirliyi adlanacaq. Bundan başqa akademik və araşdırmaçılardan ibarət, hökumətdə müşavirlik etmək üçün bir qrup gəncdən ibarət BƏƏ Gənclik Şurası da qurulacaq". 
Hələlik əl Maktum nazirlərin adları barədə açıqlama verməyib.