Dubayın Yollar və Nəqliyyat Komitəsi metro stansiyalarının təmizlənməsi üçün ilk robotları işə çıxarıb.
Xeberle.com moderator.az-a istinadən xəbər verir ki, süni intellektlə idarə edilən yeni avadanlıqların sınağı "Union” metro stansiyasında həyata keçirilib.
Sınaq zamanı məlum olub ki, robot ərazini insandan daha effektiv təmizləyir və bununla yanaşı, təmizləmə üçün daha az su sərf edir. Onu müxtəlif təmizləmə rejimləri üçün proqramlaşdırmaq mümkündür. Belə robotların iş zamanı praktiki olaraq operatora ehtiyacı olmur. Cihazlar maneələri atlayaraq toqquşmaların qarşısını ala bilən və müəyyən bir istiqamətdə hərəkət edən sensorlarla təchiz edilib.
Qeyd edək ki, süpürgəçi robotun hündürlüyü 128 sm-dir. O, 90 litrə qədər su daşıyır.
Xəbərdən istifadə edərkən istinad etmək vacibdir.
