Mədəniyyət Nazirliyinin rəsmi saytına istinadən xəbər verir ki, "Fairmont Baku” mehmanxanası "Dünya Lüks Otellər Mükafatı" təşkilatı tərəfindən "Ən yaxşı Lüks Suit Otel" mükafatına layiq görülüb.

"Dünya Lüks Otellər Mükafatı" dünya üzrə qonaqlara göstərilən xidmət səviyyəsinə görə otelləri bu kimi mükafatla təmin edən nüfuzlu beynəlxalq təşkilatdır. "Dünya Lüks Otellər Mükafatı" təşkilatı yalnız lüks otel sektoru üzrə ixtisaslaşıb və turizm sənayesinin yalnız bu sahəsi ilə maraqlanmır. "Dünya Lüks Otellər Mükafatı" təşkilatının fəaliyyətinə əsasən, yüksək keyfiyyətli müştəri xidmətinin otel personalı tərəfindən dərk olunması xidmətin davamlı olaraq yüksək səviyyədə saxlanılması baxımından vacibdir. Otel üçün müvafiq meyarlar üzrə irəli sürülmək və "Dünya Lüks Otellər Mükafatı" təşkilatının səsvermə prosesində iştirak etmək yüksək səviyyəli xidmətdir. Yalnız lüks bazarda fəaliyyət göstərən otellər və kurortlar "Dünya Lüks Otellər Mükafatı"nda iştirak edə bilərlər.  (axar.az)