Moskva sakini Aleksey Lısıx Rusiya Prezidenti Vladimir Putinin şəklini öz BMV markalı avtomobilinin üzərinə həkk etdirib.
Aleksey Lısıx adlı 45 yaşlı bank işçisi prezidentə olan rəğbətini bütün ölkəyə nümayiş etdirmək istəyib. O öz sevimli avtomobilinin üzərində hörmət bəslədiyi şəxsiyyətin şəklini əks etdirərək, bununla fəxr etdiyini bildirib.
İndiyə qədər Rusiya tarixində belə vəziyyətlə qarşılaşan olmayıb. Ümumiyyətlə isə Putinin şəklini özündə əks etdirən saysız-hesabsız suvenirlər, yandıranlar, fincanlar, bayraqlar, qələmlər və hətta toplar belə istehsal olunub. Avtomobil üzərində ölkə başçısının rəsm əsərini yaratmaq isə indiyə qədər heç kəsin ağlına gəlməyib.
Lısıx ölkə başçısına hədiyyəsini onun Amerika ilə bağlı son çıxışından sonra hazırlamağı qərara alıb.
Xatırladaq ki, bu çıxışda Putin Rusiyanı nəhəng qonur ayıya bənzədərək, növbəti ifadəni işlədib: "Bəlkə qonur ayı sakitcə meşədə oturub giləmeyvə ilə qidalansın? Yox! Bu, mümkün deyil! Çünki ovçular onu zəncirləyərək işgəncə ilə dişlərini, dırnaqlarını çıxaracaqlar”. (axar.az)
Xəbərdən istifadə edərkən istinad etmək vacibdir.
