2022-2023-cü tədris ilində Sumqayıt şəhər Təbiət elmləri təmayüllü gimnaziyadan 92 şagird məzun olub. Onlardan 47 nəfəri fərqlənmə attestatı alıb.
Bu barədə gimnaziyanın direktoru, Əməkdar müəllim Nizami Əhmədov məlumat verib. O, bunu öz vətəndaşlıq məsuliyyətini dərindən dərk edən valideynlərin, öyrədən müəllimin və təbii ki, öz sabahını mükəmməl qurmaq üçün gecəsini gündüzünə qatan gənclərin nailiyyəti kimi dəyərləndirib.
Qeyd edək ki, gimnaziya təkcə Sumqayıtda deyil, respublikada öz göstəriciləri ilə seçilən tədris ocağıdır.(AZƏRTAC)
Xəbərdən istifadə edərkən istinad etmək vacibdir.
