İqtisadi Zonaların İnkişafı Agentliyinin nəzdində Peşə Təhsil Mərkəzinin nümayəndələri Almaniya Federativ Respublikasında işgüzar səfərdədir.
İqtisadi Zonaların İnkişafı Agentliyinin nəzdində Peşə Təhsil Mərkəzinin direktoru Kənan Bağırov və Şöbə müdiri Azər Bayramov 28.04.2024-cü il tarixindən SEQUA vasitəsiylə Almaniya Federal İqtisadi Əməkdaşlıq və İnkişaf Nazirliyinin nəzarəti altında Bildungswerk der Baden-Württembergischen Wirtschaft e. V (BiWE) alman təşkilatı tərəfindən həyata keçirilən 4D Dual TVET layihəsi çərçivəsində Almaniya Federativ Respublikasında işgüzar səfərdədir. Layihənin əsas məqsədi Pəşə Mərkəzlərində yüksək keyfiyyətli bazar yönümlü və texnoloji cəhətdən ən müasir İKT peşəsi üzrə ilkin peşə təlimlərini təşkil etməkdir. Səfər müddətində Almaniyada yerləşən Peşə Təhsil Mərkəzlərinin və Özəl sektor müəssisələrinin fəaliyyətləri ilə tanışlıq həyata keçirilir və bu sahədə xarici təcrübə öyrənilir.
Proqram çərçivəsində Bosch TGA Feuerbach-ı, Autohaus Dreher Wangen-ə, Kirrchdorf şəhərindəki Liebherr-ə, İsny şəhərində yerləşən İnformatika Peşə Təhsil Mərkəzinə və Vehicle Technology BS-Claude Dornier School Peşə Təhsil Mərkəzinə, Landsberg Yetkinlik Mərkəzinə səfərlər həyata keçirilir, şirkətlərin nümayəndələri ilə görüşlər və BBP Keniya komandası ilə təcrübə mübadiləsi aparılır.
Səfər çərçivəsində BiWE international şirkətinin Esslingen filialında müəllimlərin hazırlıq mərkəzində proqram iştirakçıları üçün təlimlərin keçirilməsi də nəzərdə tutulub.
Xəbərdən istifadə edərkən istinad etmək vacibdir.
