İqtisadi Zonaların İnkişafı Agentliyinin nəzdində Peşə Təhsil Mərkəzində İqlim Dəyişikliyi ilə bağlı tədbir keçirilib.
İqtisadi Zonaların İnkişafı Agentliyinin nəzdində Peşə Təhsil Mərkəzində İctimai Şuranın təşəbbüsü, GEM CSR&ESG Consulting şirkəti və "Ümidli Gələcək" Sosial Təşəbbüslər İctimai Birliyinin əməkdaşlığı, eləcə də SDG LENS və Vətəndaş Cəmiyyəti Əməkdaşlıq Təşkilatının dəstəyi ilə 20 sentyabr 2024-cü il tarixdə Qlobal Davamlı İnkişaf Məqsədləri həftəsinə həsr olunmuş silsilə tədbirlər çərçivəsində mərkəzin tələbə və müəllim heyəti üçün marifləndirmə tədbiri keçirilib.
Tədbirdə çıxış edən İqtisadi Zonaların İnkişafı Agentliyinin nəzdində Peşə Təhsil Mərkəzinin direktoru Kənan Bağırov ilk olaraq "20 sentyabr Dövlət Suverenliyinin Bərpası Günü” münasibəti ilə tədbir iştirakçılarını təbrik edib. O çıxışı zamanı Azərbaycan Respublikasında 2024-cü ilin "Yaşıl dünya naminə həmrəylik ili” elan edilməsinin və BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının - COP29-un bu il Azərbaycanda keçirilməsinin mühüm hadisə olmasını vurğulayıb. Tədbirdə çıxış edən "Ümidli Gələcək" Sosial Təşəbbüslər İctimai Birliyinin sədri, eləcə də İqtisadi Zonaların İnkişafı Agentliyinin nəzdində Peşə Təhsil Mərkəzi yanında İçtimai Şuranın sədri Kəmalə Aşumova tədbir iştirakçılarına iqlim dəyişikliyi ilə bağlı aktual məsələlər, yaranan problemlər və onlara təsir edən amillər, eləcə də sağlam ekoloji mühitin formalaşdırılması ilə bağlı geniş məlumat verib. Tədbir interaktiv şəkildə keçirilib və sonda gəncləri maraqlandıran suallar mütəxəssislər tərəfindən cavablandırılıb.
Xəbərdən istifadə edərkən istinad etmək vacibdir.
