Sumqayıt şəhər Təfəkkür liseyində "ETwinnig" layihəsi çərçivəsində Şuşa şəhərinin əsasının qoyulmasının 270 illiyinə həsr olunmuş tədbir keçirilib.
Tədbirdə Təfəkkür liseyinin rəhbərliyi, müəllim və şagirdləri iştirak edib. Həmçinin görüşü "Zoom" proqramı vasitəsilə qardaş ölkə Türkiyənin bir neçə məktəbinin: Şəhid Polis Sabri Kün məktəbi, eləcə də Böyükada 125.İl Atatürk məktəbinin müəllimi Banu Köseli, Böyükada Şəhid Murad Yüksəl məktəbinin müəllimləri Gülcan Baykara, Oya Temoçin və Kəlbəcər rayon 109 nömrəli tam orta məktəbinin müəllim, şagird kollektivi canlı izləyib.
Əvvəlcə şagirdlər Ali Baş Komandan İlham Əliyevin rəhbərliyi altında aparılan 44 günlük Vətən müharibəsində rəşadətli Ordumuzun parlaq Qələbəsini qürur və fəxr hissi ilə ifa edərək iştirakçılara çatdırıblar.
Daha sonra məktəblilər Şuşanın tarixi haqqında məlumat vermiş, görkəmli şair Səməd Vurğunun "Vaqif" pyesindən Ağa Məhəmməd şah Qacarla Vaqifin deyişməsi səhnəsini canlandırıblar.
Liseyin 4c sinif şagirdləri "Şuşanın dağları" mahnısının sədaları altında milli rəqsdə ifa ediblər. Tədbir şeir və rəqslərlə davam edib.
Sonda vətənpərvərlik mövzusunda belə maarifləndirici tədbirlərin keçirilməsinin vacibliyi qeyd edilib. Türkiyəli qonaqlar çıxış edərək xalqımızı bir daha bu möhtəşəm Qələbə münasibəti ilə ürəkdən təbrik edib.
Xəbərdən istifadə edərkən istinad etmək vacibdir.
