Bolqarıstanın Müqəddəs Kliment Oxridsku adina Sofiya Universitetində beynəlxalq elmi konfrans keçirilib.
Xeberle.com məlumat verir ki, "Azərbaycan Avropa və Asiyanın kəsişməsində” adlı konfrans "Azərbaycan Dili və Mədəniyyəti Mərkəzinin 10 illiyi” münasibəti təşkil edilib.
Azərbaycanın Bolqarıstandakı fövqəladə və səlahiyyətli səfiri Hüseyn Hüseynov cıxış edərək Azərbaycandan gələn alimləri salamlayıb və onlara uğurlar arzulayıb.
Sumqayıt şəhər 71 saylı uşaq bağçasının müdiri Heyran Mehdiyeva "Amerika və Britaniya ingilis dili arasındakı fərqlər” mövzusunda məruzə ilə cıxış edib.
Konfransda "Azərbaycan dili və mədəniyyəti mərkəzi”nin direktoru Sofiya Şiqayeva, Türkologiya kafedrasının müdiri, professor İrina Saraivanova, həmin kafedranın dosenti Milena İyordanova və basqaları çıxış edərək Azərbaycan dilinin zənginliyindən, bolqar dili ilə müqayisəli təhlilindən danışıblar.
Konfransda Azərbaycan Respublikasının Dövlət Dil Komissiyası yanında Monitorinq Mərkəzinin rəhbəri, professor Sevinc Əliyeva da məruzə ilə çıxış edib.
Xəbərdən istifadə edərkən istinad etmək vacibdir.
