Sumqayıtda "Gənc İxtiraçılar Laboratoriyası 2.0” layihəsinin ilk seminarı keçirilib.
Xeberle.com məlumat verir ki, Azərbaycan Respublikası Gənclər Fondunun maliyyə, Abşeron-Xızı Regional Gənclər və İdman İdarəsinin, İqtisadi Zonaların İnkişafı Agentliyi nəznində Sumqayıt Peşə Təhsil Mərkəzinin təşkilatı dəstəyi ilə Sumqayıt Tələbələri İctimai Birliyi tərəfindən Gənclər Fondunun XVII qrant müsabiqəsi çərçivəsində "Gənc İxtiraçılar Laboratoriyası 2.0” layihəsinin ilk seminarı keçirilib.
24 yanvar 2024-cü il tarixində Peşə Təhsil Mərkəzində keçirilən seminarda Peşə Təhsil Mərkəzin direktoru Kənan Bağırov, layihə rəhbəri Ceyhun Hüseynov çıxış edərək ölkəmizdə gənclərə göstərilən diqqət və qayğıdan, Gənclər Fondunun və İctimai Birliyin fəaliyyətindən danışıblar. Bildirildi ki, "Gənc İxtiraçılar Laboratoriyası 2.0” layihəsinin məqsədi İKT mühəndisliyi sahəsinə həvəsi olan gənclərdən ibarət laborotoriya yaratmaq, robot texnologiyaları, dizayn, kodlaşdırma sahələrinə marağ oyatmaq, gələcəkdə karyera və ixtisas seçimlərinə yardım göstərməkdir.
Beynəlxalq dərəcəli təlimçi Ramil Süleymanov tərəfindən keçirilən interaktiv seminarda robot texnologiyaları, mühəndislik və kod tədrisi, İKT sahəsində mühəndislik bacarıqları, müasir texnoloji ixtiraçılıq istiqamətində biliklər iştirakçıların diqqətinə çatdırılıb.
Seminarda 70-a yaxın gənc iştirak edib, sualları cavablandırılıb.
Qeyd edək ki, layihə çərçivəsində keçiriləcək 5 seminara ümumilikdə 250 nəfər gəncin cəlb olunması nəzərdə tulub.
Xəbərdən istifadə edərkən istinad etmək vacibdir.
