Professor Şəfa Əliyev - 65
Sumqayıt Dövlət Universitetinin "Biznesin idarə edilməsi” kafedrasının professoru, iqtisad elmləri doktoru, UNEC Qarabağ İqtisadi Araşdırmalar Mərkəzinin Rəhbəri Şəfa Əliyevin 65 illik yubileyidir. Professor Şəfa Əliyev ölkəmizdə və onun hüdudlarından uzaqlarda tanınan, məhsuldar elmi fəaliyyəti ilə fərqlənən təvözakar, həm də strateji elmi – praktiki baxışlara malik iqtisadçı alimdir.
Professor Şəfa Əliyev 350-dən çox elmi əsərlərin, o cümlədən 5 monoqrafiyanın (biri həm müəllifliklə), 7 kitabın (ikisi həmmüəllifliklə), iki dərsliyin və üç dərs vəsaitinin müəllifidir. Azərbaycan Respublikasının Prezidentinin yanında Elmin İnkişaf Fondunun 2011-ci ildə keçirilmiş 2-ci Qrant müsabiqəsinin qalibidir.
Professor Şəfa Əliyev UNEC Qarabağ İqtisadi Araşdırmalar Mərkəzinin Rəhbəridir - https://unec.edu.az/education/unec-elmi-tedqiqat-merkezleri/unec-qarabag-iqtisadi-arasdirmalar-merkezi/. Eyni zamanda, Qərbi Kaspi Universitetinin tədqiqat komandasının aparıcı üzvlərindən biridir (Dr. Shafa Aliyev - Research & Innovation Center, Western Caspian University. Humanities and Social Sciences. Team - https://ric.wcu.edu.az/az/team/humanities-and-social-sciences).
Professor Şəfa Əliyevin nüfuzli elmi platformalarda profilləri (linklər) dünyanın tədqiqatçı alimləri, mütəxəssislər, doktorantlar, magistrlər və tələbələr tərəfindən daim izlənilir, onun əsərlərinə istinadlar verilir və sitatlar göstərilir:
Scholar.google - https://scholar.google.com/citations?user=iLFtk9wAAAAJ&hl=ru
Scopus –
https://www.scopus.com/authid/detail.uri?authorId=56127676300
- Scopus ID – 56127676300
WoS (Publons) - https://publons.com/researcher/3241061/shafa-aliyev/
https://www.webofscience.com/wos/author/record/2045956.
Researchgate - https://www.researchgate.net/profile/Shafa-Aliyev
ORCID ID - https://orcid.org/0000-0002-4997-7563 - http://orcid.org/0000-0002-4997-7563
РИНЦ - https://elibrary.ru/author_profile.asp?id=980734
Şəfa Tiflis oğlu Əliyev 30 sentyabr 1959-cu ildə Füzuli rayonunun Mahmudlu-1 kəndində anadan olmuşdur. O, 1967-ci ildə Mahmudlu-1 kənd orta məktəbinin 1-ci sinifinə getmiş və 1977-ci ildə Bala Bəhmənli kənd orta məktəbini bitirmişdir. Şəfa Əliyev hələ orta məktəbdə oxuduğu illərdə geniş həcmdə ictimai işlərdə, idman tədbirlərində fəallıq göstərmişdir, rayon və respublika mətbuatında məqalə və oçerkləri ilə çıxış etmiş, ictimai əsaslarla jurnalistlik fəaliyyəti göstərmişdir.
Şəfa Əliyev 1978-ci ildə Azərbaycan Xalq Təsərrüfatı İnstutunun uçot-iqtisad fakültəsinə daxil olmuş və 1986-cı ildə həmin institutu bitirmişdir. O, 1978-1980-ci illərdə Rusiyanın Murmansk vilayətində və Moskva şəhərində ordu sıralarında xidmət etmişdir.
Şəfa Əliyev 1981-2006-cı illər ərzində Sumqayıtın kimya və neft-kimya müəssisələrində çalışmışdır. O, kimya və neft-kimya müəssisələrində operator vəzifəsindən "Sintezkauçuk” zavodunun direktoru, "Azərkimya” Dövlət Şirkətinin iqtisadi məsələlər üzrə vitse-prezidenti vəzifəsinə kimi yüksəlmişdir. O, 1981-1983-cü illərdə bilavasitə istehsalatda növbəli işdə çalışmış, fəxri fərmanlara və pul mükafatlarına layiq görülmüşdür. Şəfa Əliyev 1984-cü ildə "Sintezkauçuk” İstehsalat Birliyinin idarə aparatına irəli çəkilmiş, birliyin nəzdindəki 41 saylı Orta Texniki Peşə Məktəbinin Komsomol Komitəsinin katibi, "Sintezkauçuk” zavodunun Komsomol Komitəsi Katibinin müavini və raykom hüquqlu Katibi vəzifələrində işləmişdir.
Şəfa Əliyev 1989-1990-cı illərdə Moskva şəhərində Ümumittifaq Xarici Ticarət Akademiyasında ikinci ixtisas üzrə əlavə təhsil almışdır. O, 1989-cu ildən "Sintezkauçuk” İstehsalat Birliyinin maliyyə şöbəsinin rəis müavini, 1990-1995-ci illərdə maliyyə şobəsinin rəisi vəzifəsində işləmiş, "Sintezkauçuk” İstehsalat Birliyinin idarəetmə strukturunun yenidən qurulması və bu strukturda bazar iqtisadiyyatlı yönümlü şöbələrin təşkilində fəal iştirak etmişdir.
Şəfa Əliyev 1995-ci ilin sentyabr ayından "Azərikimya” Dövlət Şirkəti aparatında çalışmış, 1997-2000-ci illər ərzində "Azərikimya” Dövlət Şirkətinin Rusiya Federasiyasında nümayəndəliyinin (Moskva şəhəri) başçısı kimi fəaliyyət göstərmişdir. Şəfa Əliyev "Azərikimya” Dövlət Şirkətinin Rusiya Federasiyasında nümayəndəsi işlədiyi illərdə neftkimya müəssisələrinin xammal təchizatının yaxşılaşdırılması, satış bazarlarının, iqtisadi əlaqələrin genişləndirilməsi üçün müxtəlif illərdə Norveç, İsveç, Macarıstan, Rusiya, Ukrayna, Belarus, Qazaxıstan, Baltikyanı ölkələr, Çexiya, Slovakiya, Polşa, Rumıniya, Moldova, Özbəkistan, Türkmənistan, Gürcüstan, ABŞ, Türkiyə, Hollandiya və s. ölkələrə səfərlər etmiş, işgüzar əlaqələrin təşkilinə nail olmuşdur.
Şəfa Əliyev 2001-2003-cü illərdə "Etilen-Polietilen” zavodunda baş iqtisadçısı vəzifəsində işləmiş və bu zavodun zərərlə işləməsinin qarşısının alınmasında müstəsna xidmətləri olmuş, zavodun fəaliyyətinin və idarə edilməsinin təkmilləşdirilməsində çoxsaylı təklifləri ilə çıxış etmiş, onların yerinə yetirilməsinə nail olmuş və zavodda istehsal olunan məhsulların maya dəyəri göstəriciləri əhəmiyyətli səviyyədə yaxşılaşdırılmışdır. 2003-cü ilin may ayında "Səthi Aktiv Maddələr” zavodunun iqtisadi məsələlər üzrə direktor müavini təyin edilmişdir. 2003-2006-ci illərdə "Azərikimya” DŞ-nin Vitse-Prezidenti və "Sintezkauçuk” zavodunun direktoru vəzifələrində işləmişdir.
Şəfa Əliyev 2006-ci ilin iyul ayından 2011-ci ilin aprel ayınadək Azərbaycan Respublikası Əmək və Əhalinin Sosial Müdafiəsi Nazirliyinin Baş Məşğulluq İdarəsinin Sumqayıt şəhər Məşğulluq Mərkəzinin direktoru, 2011-ci ilin aprel ayından 2013-cü ilin may ayınadək Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin Bakı şəhər Məşğulluq İdarəsinin direktoru vəzifəsində işləmişdir. Şəfa Əliyev 2013-cü ilin may ayından dekabr ayınadək Azərbaycan Respublikasi Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti, 7 saylı region üzrə Dövlət Əmək Müfəttişliyinin rəisi vəzifəsində işləyib.
2014-2017-ci illərdə Birləşmiş Millətlər Sənayenin İnkişafı Təşkilatının (BMSİT) Resurslardan Səmərəli İstifadə və Təmiz İstehsalat (RSİTİ) Numayiş Proqramının Milli Eksperti vəzifəsində işləmişdir.
2009-cu il may ayının 26-dan 2017-ci ilin iyunun 1-nə kimi Sumqayıt Dövlət Universitetinin "Dünya iqtisadiyyatı və marketinq” (indiki adı "Biznesin idarə edilməsi”) kafedrasında dosent vəzifəsində işləmişdir, 2017-ci ilin iyunundan bu vaxta kini həmin kafedrada professor vəzifəsində işləyir.
"Azərbaycan iqtisadiyyatı”, "Azərbaycanın xarici-iqtisadi siyasəti”, "Beynəlxalq iqtisadi əlaqələrin tənzimlənməsi”, "Beynəlxalq nəqliyyat əməliyyaltarı”, "İqtisadi diplomatiya”, "Azərbaycanın xarici-iqtisadi əlaqələri”, "Azərbaycanın xarici-iqtisadi siyasəti”, "Azərbaycanın xarici-iqtisadi əlaqələri”, "Azad İqtisadi Zonalar” , "Xarici iqtisadi siyasət”, "Təchizat zəncirinin idarə edilməsi”, "İnternet – Marketinq”, "Marketinqin müasir problemləri”, "İnnovasiya layihələrin idarə edilməsi”, "Marketinq” (rus dilində), "Azərbaycan iqtisadiyyatı” (Rus dilində), "Dünya iqtisadiyyatı” (Rus diliində), "Gömrük işi” (Rus dilində) fənnlərindən mühazirələr demiş və hazıda davam edir.
Şəfa Əliyev Sumqayıt Dövlət Universitetində iqtisadi məktəbin yaradılması və elmi dərəcəli kadrların hazırlanmasında təşəbbüskarlığı və səmərəli fəaliyyəi ilə fərqlənir. Hazırda iqtisad elmləri doktoru hazırlığı üzrə 4 nəfərin elmi məsləhətçisi və iqtisad üzrə fəlsəfə doktoru hazırlığı üzrə 5 nəfərin elmi rəhbəridir, artıq iki nəfər doktorantın dissertasiya işinin ilkin müzakirəsi keçirilmişdir. Professorin elmi rəhbərliyi altında 4 nəfər magistr dissertasiyasını müdafiə etmişdir.
2007-ci ilin may ayının 30-da Azərbaycan Dövlət İqtisad Universitetində "Azərbaycanın Rusiya ilə ticarət-iqtisadi əlaqələrinin problemləri və perspektivləri” mövzusunda dissertasiya işinini müdafiə etmiş və iqtisad elmləri namizədi alimlik adını almışdır (İqtisad elmləri namizədi-15 yanvar 2008-ci il-Azərbaycan Respublikası Prezidenti yanında Ali Attestasiya Komissyası - EN-№048-27-15.01.2008). Dosent elmi adını isə 22 aprel 2013-cü ildə almışdır (Azərbaycan Respublikası Prezidenti yanında Ali Attestasiya Komissyası-DS№04328 – 22.04.2013). Azərbaycan Dövlət İqtisad Universitetinin Elmi Şurasinin qərarı ilə 2008-ci ildə "Xüsusi iqtisadi zonaların təşkili problemləri və inkişaf perspektivləri” mövzusunda doktorluq işi təsdiq edilmiş və 2015-ci il noyabr ayının 15-də Azərbaycan Dövlət İqtisad Universitetində 5307.01 – "İqtisadi nəzəriyyə” ixtisası üzrə "Xüsusi iqtisadi zonaların təşkili və inkişaf perspektivləri” mövzusunda dissertasiya işini müdafiə etmiş və iqtisad elmləri doktoru alimlik adını almışdır (İqtisad elmləri doktoru-25 noyabr 2016-cı il, Azərbaycan Respublikası Prezidenti yanında Ali Attestasiya Komissyası - ED-01755-25.11.2016-cı il - Protokol № 10R). 26.05.2023-cü ildə isə 5308.01. - "Ümumi iqtisadiyyat” ixtisasında professor elmi adına layiq görülmüşdür (PR-№0184-26.05.2023. – Azərbaycan Respublikası Prezidenti yanında Ali Attestasiya Komissyası).
Professor Şəfa Əliyev dünyanın 30-dan çox ölkəsində konfrans və seminarlarda, simpoziumlarda, o cümlədən ABŞ, Fransa, İsveç, Norveç, Macarıstan, Baltikyanı dövlətlər, Çexiya, Hollandiya, Türkiyə, Polşa, Bolqarıstan, Slovakiya, Rusiya, Ukrayna, Belarus və s. ölkələrdə keçirilən tədbirlərdə iştirak etmiş, çıxışlar və məruzələr etmişdir. Beynəlxalq Əmək Təşkilatının xətti ilə İsveç, Macarıstan və Balikyanı ölkələrdə keçirilən tədbirlərdə iştirak etmişdir. Rusiya və digər keçmiş SSRİ ölkələrinin 150-dən çox şəhərlərində, subyekt mərkəzlərində işgüzar ezamiyyətlərdə, xarici iqtisadi əlaqələrin qurulması üzrə tədbirlərdə, görüşlərdə olmuşdur. Azərbaycanın 50 şəhər və rayonlarının Məşğulluq Mərkəzlərində İşçi qrupunun rəhbəri kimi olmuş, yerlərdə işlərin daha səmərəli təşkili ilə baglı seminarlar keçirmiş və real vəziyyəti əks etdirən hasabatlar hazırlamışdır.
Professor Şəfa Əliyev Azərbaycan Respublikası Prezidenti yanında Ali Attestasiya Komissiyasının 17 aprel 2017-ci il tarixli 135 nömrəli Əmri ilə "İqtisadiyyat” elmləri üzrə Ekspert Şurasının üzvü-Elmi katib təsdiq edilmiş və 2018-ci ilin sonuna kimi bu Şurada fəaliyyət göstərmiş, 2020-ci il oktyabrından yenidən İqtisad elmləri üzrə Ekspert Şurasının üzvü-Elmi katib təsdiq edilmiş və 2023-cü ilin iyul ayına kimi fəaliyyətini davam etdirimişdir.
Beynəlxalq İqtisadçılar Assosiasiyasının (London-European Economic Association - https://www.eeassoc.org/) və Rusiya iqtisad elmində güclü nüfuza malik olan-Moskvada fəaliyyət göstərən, akademik R.S.Qrinberqin rəhbərlik etdiyi "Yeni İqtisadi Assosiasiya”nın (Новая Экономическая Ассоциация. www.econurus.org) üzvüdür. "Rusiya sahibkarlığı jurnalı”nın ekspertlər şurasının üzvüdür (https://creativeconomy.ru/journals/rp/editorial-board). 2017-ci ilin fevral ayından Moskvada nəşr olunan və Rusiya Ali Attestasiya Komissiyasının doktorluq dissertasiya işlərinin elmi nəticələrinin nəşr olunduğu "İqtisadi münasibətlər” elmi-praktiki jurnalının redaksiya heyətinə üzv seçilmişdir. www.eo.creativeconomy.ru). (Jurnal 12.02.2019-cu ildən Rusiya AAK-na daxildir. Rusiya Elmi Sitat İndeksi (РИНЦ) - 0,368). 2018-ci ildən Rusiya Ali Attestasiya Komissiyasının doktorluq dissertasiya işlərinin elmi nəticələrinin nəşr olunduğu "Maliyyə iqtisadiyyatı” (Moskva) elmi-analitik jurnalının redaksiya heyətinə üzv seçilmişdir. https://finanec.ru/redakcionnyj-sovet-i-kollegija/. (Jurnal Rusiya AAK-na 28.12.2018-ci ildən daxildir - http://arhvak.minobrnauki.gov.ru/web/guest/87. ikiilik Rusiya Elmi Sitat İndeksi (РИНЦ) 2018 - 0,202. (https://elibrary.ru/title_about.asp?id=28699). Saytı: https://finanec.ru/.). JOURNAL OF MONETARY ECONOMICS AND MANAGEMENT-in redaksiya heyətinin üzvüdür (RF-https://www.elibrary.ru/title_about_new.asp?id=79667 ; https://jomeam.ru/editorial-board). JOURNAL OF MONETARY ECONOMICS AND MANAGEMENT-in redaksiya heyətinin üzvüdür (RF-https://www.elibrary.ru/title_about_new.asp?id=79667; https://jomeam.ru/editorial-board).
Professor Şəfa Əliyev Azərbaycan Respublikası Ali Attestasiya Komissiyasının dövrü nəşrlər siyahısına daxil olan "Geostrategiya” (https://geostrategiya.az/pdf/2023/0375.pdf), "Kooperasiya” (http://www.kooperasiya-journal.az/wp-content/uploads/2023/05/2-69-2023.pdf), Qərbi Kaspi Universitetinin "Elmi xəbərləri” (İctimai və Texniki elmlər seriyası) (https://journal.wcu.edu.az/uploads/files/icitmaitexniki_titul2022-1.pdf) jurnallarının redaksiya heyətinin üzvüdir. O, həm də Azərbaycan Jurnalistlər Birliyinin üzvüdür - http://ajb.az/site/?sec=mdata&mid=61&lang=1.
Professor Şəfa Əliyev Azərbaycan Respublikasının Prezidenti cənab İlham Əliyevin 16 noyabr 2009-cu il tarixli Sərəncamı ilə Sumqayıt şəhərinin sosial-iqtisadi inkişafında səmərəli fəaliyyətinə görə ”Tərəqqi” medalı ilə təltif olunmuşdur.
Azərbaycan Respublikası Prezidentinin 20 noyabr 2019-cu il tarixli Sərəncamı ilə Sumqayıt şəhərinin sosial-iqtisadi inkişafında xidmətlərinə görə "Azərbaycan Respublikası Prezidentinin fəxri diplomu” ilə təltif edilmişdir.
Azərbaycan Respublikası Elm və Təhsil Nazirliyinin 18.11.2022-ci il tarixli K-1349 nömrəli əmri ilə "Azərbaycan Respublikası Qabaqcıl Təhsil İşçisi Döş Nişanı” ilə təltif edilmişdir.
Professor Şəfa Əliyev Yeni Azərbaycan Partiyasının üzvüdür, üç övlad atasıdır və yeddi nəvəsi vardır.
Professor Şəfa Əliyev hazırda elmi-pedaqoji fəaliyətinin ən yetkin və məhsuldar dövrünü yaşayır. Sumqayıt şəhərin və ümumilikdə ölkənin ictimai-siyasi həyatında və dövlətimizin iqtisadi siyasətinin gücləndirilməsində, təbliğində səmərəli fəaliyyət göstərir. Ölkənin əsas aparıcı televiziya kanalında -
AZTV-də dövlətin iqtisadi siyasətinə həsr olunmuş verilişlərdə iqtisadçı - ekspert kimi maraqlı və məzmunlu çıxışları ilə diqqət çəkir. O, həm də Sumqayıt şəhərinin sosial-iqtisadi inkişaf proseslərinə dair Dünya TV-nin – AKTUAL verilişində əsas iqtisadçı-ekspert statusundadır. Şəhər ictimaiyyətinin rəğbətini və hörmətini qazanmışdır.
Professor Şəfa Əliyev Elmi reytinqinə görə Sumqayıt Dövlət Universitetinin alimləri arasında ilk yerdədir (https://az.h-index.com/az/author/iLFtk9wAAAAJ). İqtisadçı-alimlər arasına reytinq göstəricilərinə görə Azərbaycanda ilk üçlükdədir (TOP 1000 Azerbaijan scientists in Google Scholar database 2024. https://az.h-index.com/az/scholar1000).
[Əliyev Şəfa Tiflis oğlu, Sumqayıt Dövlət Universitetinin "Biznesin idarə edilməsi” kafedrasının professoru, iqtisad elmləri doktoru, UNEC Qarabağ İqtisadi Araşdırmalar Mərkəzinin Rəhbəri]
Şəfa Əliyev: https://az.wikipedia.org/wiki/%C5%9E%C9%99fa_%C6%8Fliyev]
Şəfa Əliyev - UNEC Qarabağ İqtisadi Araşdırmalar Mərkəzinin Rəhbəri - https://unec.edu.az/education/unec-elmi-tedqiqat-merkezleri/unec-qarabag-iqtisadi-arasdirmalar-merkezi/
Dr. Shafa Aliyev - Research & Innovation Center, Western Caspian University. Humanities and Social Sciences. Team - https://ric.wcu.edu.az/az/team/humanities-and-social-sciences
Professor Şəfa Əliyevin nüfuzli elmi platformalarda profilləri (linklər):
Scholar.google - https://scholar.google.com/citations?user=iLFtk9wAAAAJ&hl=ru
Scopus - https://www.scopus.com/authid/detail.uri?authorId=56127676300 - Scopus ID - 56127676300
WoS (Publons) - https://publons.com/researcher/3241061/shafa-aliyev/
https://www.webofscience.com/wos/author/record/2045956
Researchgate - https://www.researchgate.net/profile/Shafa-Aliyev
ORCID ID - https://orcid.org/0000-0002-4997-7563 - http://orcid.org/0000-0002-4997-7563
РИНЦ - https://elibrary.ru/author_profile.asp?id=980734
