İqtisadi Zonaların İnkişafı Agentliyinin Peşə Təhsil Mərkəzi ilə "Holcim-Azərbaycan” ASC-nin birgə əməkdaşlığı çərçivəsində təşkil edilən "Usta Mənəm" müsabiqəsinin final mərhələsi keçirilib.
Bakı Ekspo Mərkəzində baş tutan tədbirdə birinci yerin qalibi Sahib Nuriyevə Changan Hunter markalı avtomobili təqdim edilib. İkinci və üçüncü yerlərin sahibləri Etibar Qaradayev və Nemət Hüseynov isə pul mükafatı və dəyərli hədiyyələrlə təltif olunublar.
Qeyd edək ki, Azərbaycanda ilk dəfə olaraq keçirilən "Usta Mənəm” müsabiqəsi 7 ay ərzində ölkənin müxtəlif bölgələrində təşkil edilib. Müsabiqədə iştirak etnək üçün 1000-dən çox usta qeydiyyatdan keçsə də, onlardan 320 nəfəri seçim turlarına vəsiqə qazanıb, 28 nəfər isə final mərhələsində iştirak edib.
Xəbərdən istifadə edərkən istinad etmək vacibdir.
