İqtisadi Zonaların İnkişafı Agentliyinin Peşə Təhsil Mərkəzində "Coders Azerbaijan "şirkəti ilə əməkdaşlıqda İT ixtisasları üzrə "Karyera Sərgisi” keçirilİb.
Xeberle.com məlumat verir ki, 20 Dekabr 2024-cü il tarixdə İqtisadi Zonaların İnkişafı Agentliyinin Peşə Təhsil Mərkəzində "Coders Azerbaijan” şirkəti ilə əməkdaşlıqda İT ixtisasları üzrə "Karyera Sərgisi” keçirilib. Karyera sərgisini giriş sözü ilə açan Peşə Təhsil Mərkəzinin direktoru Kənan Bağırov qonaqları salamlayıb və sərgi iştirakçılarına Mərkəzin fəaliyyəti ilə bağlı məlumat verib. "Coders Azerbaijan”-ın həmtəsisçisi Seymur Həmidov öz çıxışı zamanı şirkətin həyata keçirdiyi uğurlu təhsil proqramları ilə bağlı qonaqlara məlumat verib və keçirilən İT ixtisasları üzrə "Karyera Sərgisinin” əhəmiyyətini vurğulayıb.
"Karyera Sərgisi” zamanı keçirilən yarışda qalib iştirakçılara müxtəlif mükafatlar və "Coders Azerbaijan” şirkəti tərəfindən 300 manatlıq hədiyyə kuponları təqdim edilib. Yarışda 1-ci yerin qalibi Vüsal Abbasova 2000 AZN-lik , ikinci yerin qalibi Xəlil Çələbizadəyə 1000 AZN-lik və üçüncü yerin qalibi Rəvan Əliyevə 500 AZN hədiyyə kuponları təqdim edilib.
"Karyera Sərgisi”-ndə 14 stenddə şagirdlərə, tələbələrə və müəllim-pedaqoji heyətə məlumatlandırma sessiyaları təşkil edilib, iştirakçıları maraqlandıran suallar mütəxəssislər tərəfindən cavablandırılıb.
Xəbərdən istifadə edərkən istinad etmək vacibdir.
